داني داني وشحال تعجبني الجابولاني
انا غزال والنحس مابغاش ينساني
بدلت التحفيفة وراني مازال نعاني
سعدان قال لهم وين حطيتو ما هناني
انا قتلوا دخلني في الشوط الاولاني
قال لي والله ما راك داخل غير في الثاني
قلنا ماعليش واصبرنا حتى لالشوط الثاني
وقلنا بالاك نغنوا اجمل الاغاني
وهذاك لي صرا عجبتني كرة الجابولاني
وحلمت وحبيت نحقق احلى الاماني
بصح الله غالب النحس جابها عقابي عناني
واسمحولي والله مادرتها بلعاني
وان شاءالله مخلوفة في الدور الثاني
غادي نماركي ثلاثة في الشباك الالماني
تهلاو في رواحكم وماتنساوش 1 2 3 فيفا لارجيرياني