السلام عليكم ورحمة الله تعالى وبركاته
اليوم جبتليكم خبز من (بريوش) كيجي رائع وسهل في التحضير كانصحكم اتجربوه راه رمضان قرب غادي انفعكم باش تعمرو بيه الطابلة
المقادير على بركة الله
700غ دقيق
2م ك خميرة مذوبة في ماء دافئ
100غ سكر
80غ زيت عادي
2بيضات
شوية الفاني للتنسيم أو قشور الحامض (اختياري)
ماء دافئ ممزوج مع الحليب لجمع العجين
وفي الأخير أصفر بيضة للدهن وزنجلان للتزيين
الطريقة
انخلطو الكل حتى انحصلو على عجين اخفييف ويكون شوية تلسق في اليد
من بعد انخليوها تخمر 30دقيقة وانقسموها كيورات متساوية ثم نبداو انشكلوها حسب الرغبة ولا ابغينا انشكلو ظفيرة كنقسموكل كويرة إلى 3وانظفروها ابحال في الصورة
مني نشكلو العجين كننخلوه يخمرمرة أخرى30دقيقة وندهنوه باصفر بيضة ونرشو عليه الزنجلان
واندخلوه الفرن180درجة حتى يتحمر
هنا كيف كيجي من الداخل
وبالصحة والراحة