[زهرة الجزائر 07]

المشاركة الأصلية كتبت بواسطة اعتماد13

السلام عليكم
لم أحرس إلا يومين فقط و مع ذلك فقد تعبت ما لم أتعبه طوال السنة ، البكالوريا و ما أدراك ما البكالوريا
آآآآآآآآآآآآآآآآآآآآآآآه حضور على الساعة السابعة و النصف صباحا و خروج على السابعة و النصف مساء ، و بين هذه الساعات حديث يطول بطولها
أستاذة أريد ورقة حمراء و آخر يريد بنية و ثالث يغير ورقة الإجابة و رابع يضيف أوراق و خامس يريد قلم و سادس مسطرة و سابع كوب ماء و ثامن يريد الخروج ................. كنت كالنحلة أنط من تلميذ إلى تلميذ في جو حار جدا و قسم فيه 25 مترشحا و ثلاثة حراس ، ليس هذا فحسب بل يجب أن لا أغفل و لا لحظة حتى أمنع أي محاولة غش و ما أكثرهم .... في أيامي و بالطبع لا أتحدث عن القرن الماضي بل قبل 10 سنوات فقط كان التلميذ منذ أن يضع رأسه على الورقة لا يرفعه حتى يدق الجرس لا يشرب لا يخرج و ربما يستحي حتى أن يقول أريد ورقة إضافية فتجده يصغر من خطه ليكفيه ما عنده من أوراق ، أما اليوم فلم يبق إلا أن أقول لهم من يريد قهوة ؟ شعرت أني نادل في مقهى والله بن بوزيد مدلل التلاميذ دلالا كبيرا فهل يا جماعة تدللتم في أيامكم هكذا ؟ أتمنى فقط أن ينجحوا و لا يذهب تعبنا سدى
كان يوما من أيام الحراسة الشاقة أردت أن أحكيه لكم

السلام عليكم

أولا أريد أن أبدي إعجابي في مواضيعك و ردودك اختي

و ثانيا ربي معاكم والله غير شفيتيني

سيرتو مع السخانا و قاع

مي التلاميذ تاني يشفو مخالق

الضغط و التوتو سيرتو الي أول مرة

يقرى معايا واحد أكبر الغشاشين في الكون
نهار إمتحان الشريعة

الشيخ قعدو في مكتب المدير

الربع ساعا الأولى جبدلو حجاب

الربع الثاني حجاب بعد دقيقة حجاب بعد دقيقة حجاب آخر

بعد نصف ساعا جبد الكتاب قاع

بعد ربع ساعا جبد حرز صغيييييييييييييييييييييييييييييييييييييير بعد دقيقة زاد جبد

حنا قلنا وش هادي

و قلنا خلاص درك جبدلو كلشي

مافقناش حتان صبنى السيد يخنتب في الستيلو

وجابد منو جحاب صغييييييييييير

نحهولو

زاد جبد واحدتاني من الستيلو التاني

زاد نحهولو و فتشو قاع

أيا قلنا خلاص

مزدناش فقنا حتان السيد شفناه يعدل في سباطو قلنا نورمال

مي الشيخ شك //قالو نوض نوضو شافلو سباطو لقى حاط حجاب تاني

يعني حاط كلام ربي تحت رجليه

أستغفر الله

راح الشيخ ينادلي للمراقب

مع خرج بعد جبد من تحت تريكوه كتاب الشريعة و بدا يكتب في الجواب في الورقة نتاعو

و كي جا المراقب نحلو الورقة قاع و مدلي الشيخ 00

شفتي وين وصلت بيهم الحقارة //قاع زعقنا عليه// قلنالو علاش مراجعتش

قالنا معندي الوقت

قلنالو وش قعدت الدير طيب و لاتكنس ولا تربي في الدجاج؟؟

قالنا جبت dvd نتاع مسلسل دموع الورد --- و هوا مسلسل تركي--- قعدت نتفرج فيه غلبني النعاس رقدت؟؟؟؟؟؟؟؟؟

ملقينا وش نقولو حرنا في أمرو

و علق نتي................

آسفة على الاطالة

دمتي في رعاية الله

ليلة سعيدة