السلام عليكم يا الخاوة
أدخل في الموضوع بدون مقدمات :
رانا 24 سنة دون كأس عالم يعني اللي كان في عمره 26سنة في 1986 راهو في عمره 50 سنة
أي : التأهل إلى كأس العالم إنجاز كبير و مشرف و يجب شكر اللاعبين و الطاقم الفني كما يجب على هذا الصنيع , و ما ننساوش الخير ..
و يعني : يا اللي في عمرك 26 سنة راك عايش حاجة ما عاشوهاش اللي كانو في عمرك في سنوات التسعيينات و بداية الألفية , وتقدر تشوف الجزائرمشاركة في المونديال القادم أنت و أحفادك سنة 2034
و بخلاصة : خليونا نفرحو بمشاركة المنتخب في كأس العالم , 3 مباريات أو4 أو حتى 10 مباريات , أنا صراحة أعيش حلم جميل , و نتمنى نتضامنو جميعا من أجل مساندة المنتخب في المونديال و بعد المونديال مهما تكن النتيجة و هذا للطموح في تأهل مستمر كل 4 سنوات
خـــــــــــــــــاوتي : بصحتنا المونديال , اتمتع و ما تجيبش الهم لروحك
1, 2, 3 تحيا الجزائر