[أبو اسماعيل الجلفاوي]

السلام عليكم ورحمة الله وبركاته
رحمة على والديك ، قلي برك منين جبت هذا الكلام
ومادام قلت راك قلت بلي جات في تلفزيون السعودية ، أعطيلنا خبر رسمي مكتوب أو صوتي ، قلنا برك وش من عام صرات هاذي
ياحسراه ملي ما عقبوش الشيخ السديس في الحصة ، ودير بالك بلي الشيخ جامي سمعتو يفسر الرؤى .
ها مش قا اللي تكتب في الجرنان ولا الأنترنيت راها صحيحة ، أعطولنا أخبار من الواقع ، سبحان الله ، اللي راها تصرا هنا في الجلفة ، كي تبقى تعاود بين الناس تلحق كلي الدنيا تمت ، فمثلا قا في العيد اللي فات قالوا في الجرائد الوطنية باللي كاين محاولة تفجير مسجد بالجلفة ، ويقصدو بيه مسجد الحي نتاعنا الجلفة الجديدة ، وقالو شافو قرعة تاع قاز في الجامع ، أنا صليت العشا في ذاك اليوم ، وما كاين والو ، برك جاو لابوليس يديرو في دورية ، فركتو المحيط تاع المسجد برك ، شوف يا بن عمي كيفاش كبرت الهدرة ، ولو كان يتبع كل واحد أخبار دارو يسبع من الكذب وتكبار الأحداث .
والنبي صلى الله عليه وسلم يقول في الحديث الذي رواه مسلم وأبوداود : ( كفى بالمرء كذبا أن يحدث بكل ما سمع )
شحال من واحد عالم قالو عليه هذي الهدرة ، والله أعلم