السلام عليكم
) واحد الاستاد قال لواحد التلميد: أعرب لنا جملة "ضرب الولد الصرصور"
جاوبه الولد: ضرب فعل إجرام، الطفل ابن حرام، أما الصرصور فهو فاعص مفعوص وعلامة فعصه الضربه القاضيه على رأسه
) واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور
^
) هادا واحد الأستاد نوض واحد الكسول للسبورة، و كتب ليه صفر و سولو: أشنو هادا؟
جاوبو الكسول: صفر
زاد ليه الأستاد تلاتة ديال الأصفار, و عاود سولو: و دابا؟
جاوبو الكسول: صفرالاف و صفرمية و صفرة و صفرين
) هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها
)هادا واحد لكسول، غير هز صبعو و هو يشدو لكلاكاج
) هادو تلاتة مبوقين ركبوا طاكسي. مول الطاكسي عاق بيهم واش ما حاضرينش، ناض شعل الموطور و طفاه و قال ليهم صافي وصلنا.
اللول عطاه الفلوس
التاني قال له شكرا
التالت نزل من الطاكسي و دار لعند مول الطاكسي و سرفقه. مول الطاكسي يسحاب ليه واش السيد عاق بالقالب دياله، ساعة هو يقول ليه: المرة الجاية ما تسوقش بالزربة بزاف
)هادا واحد مبوق قال لصاحبه: حلمت بينا البارح واش أنا وياك فنانين
نتا فنان تشكيلي... و أنا فنان نشكيلك
)
هادي واحد المرا شارفة ناضت ليها تولالة ف الجبة ديالها، و هي تفرح، يسحابها واش حب الشباب
في انتظار الردود