[صمت الجزائر]

لقد اخجلتيني يا بنت سكيكدة....فقلتي عني الكثير والكثير...الكثير.. وانا لا استحق الا القليل.....فجزاك الله كل الخير
وببساطة من هنا البداية.....
انا...واعوذ بالله من كلمة انا....انسانة بسيطة عادية ..حنينة بزاف...ونتنارفا بسرعة...هههههههه...القلب بيض....نحب كل الناس...الضعيف قبل القوي...والفقير قبل الغني....نحب نساعد الي يحتاجلي...وعمري ما رديت واحد خايب......المهم...في ما يحب الله ويرضى ...وبالمعقول..واللي نقدر عليه......اسكن ببلدية تابعة لولاية سيدي بلعباس....عمري 36 سنة...غير متزوجة...لااعمل ...لي المستوى الدراسي 3ثانوي...لم اتحصل على اي دبلوم....فقط 3...شوية صغار...واحد في............
والثاني في............
والثالث في.........
والحرفة ديالي اللي يعرفني بيها الجميع هي ..

انا يتيمة الاب....توفي والدي وكان عمري...6سنوات....مانعرف والو من الدنيا...والبراكة في الوالدة هي اللي ربت وشقات...وبهذه الصنعة قدرت تكبرنا ...تعبت معانا بزاف...انا واختي ولدي 2 من الاخوة ...انا اوسطهم...تعلمت من الوالدة كل الحرف اللي تعرفوها...من خياطة البساطات...الخياطة على الماكينة...من خياطة الالبسة التقليدة والقندورات...وكل شي يتخيط...وزيدي البرودي...والكروشي ...والنسيج بالحرارة....امي عندها مجلات ..من وقت الاستعمار ...تقريبا من سنة 1954...ولحد اليوم راهي محتفظة بيهم.....
راني نخليكم تسالوني واش حبيتو ....ونقبل منكم كل نقد اوشئ ما يعجبكمش ...المهم ان تكونو راضيين علي...
ولكم مني الف تحية