[صمت الجزائر]

المشاركة الأصلية كتبت بواسطة soltana

khti ya samte el jazaire bey nsaksike rani ki n3amar labra ta3 l machine a coudre wtadkhol fel katane raha takhroj khawya lkhayte yatgata3 w merci bcp

صباح الخير....قلتي كي راكي تعمري الابرة نتاع الماشينة...وتبدي تخيطي...كي تدخل الابرة تخرج والخيط مقطع....شوفي بالخطوات هذه المشاكل اللي تعاني منها معظم الماكنات
1_ المشكلة ربما راهي مش نظيفة عند علبة المنشار...خلي الماكنة ديالك في الشمس لمدة اكثر من 2 او 3ساعات حتى اللي تسخن ثم رجعي نظفيها كيما قلت بفرشات الاسنان ثم ديريلها الزيت ديالها...مخصص لالة الماكينة...ثم رجعيها للشمس...باش تحمى...وهنى تصبح خفيفة .
2_ربما المشكلة من الابرة...الحامل ديالها راه مرتفع او مهود ....كي تركبي الابرة ما طلعيهاش حتى تحبس هوديها قليلا نوعا ما...و جربي خيطي
اولا اذا شفتي بلي الابرة راهي تخيط عادي فهذا يعني ان حامل الابرة راه مرتفع على الميزان العادي لماكينة...ولازم يهبط...غير بالشعرة ...وهوصعيب شوية لانه هو الاساس ديال الماكين وهو اللي ينسق الخياطة
واذا شفتيه وصل حتى للعلبة وبدات تعمل حس مع الكانيت هذا يعني ان الابرة راهي هابطة رجعيها لمكانها عادي...
3_ ربما لاطنسيو نتاع الماكنة راه مزير حاولي ترخفيه غير بالشوية ...كل ما رخفتي خيطي وهكذا حتى تعرفي المشكلة.
ونتمنى انك تكوني فهمتيني...وهذه المشكلة بزاف من الاخوات راهي تعاني منها...وربي يوفقك