ليس هناك ورووووووووود ولكن في خاطر الردود الجميلة راح نكمل القصة
جاء متعوس لزيارة خطيبته بسبوسة يحدوه الأمل في زيارة يستطيع معها أن يحكي معها ولو كلمتين على انفراد من غير أن يجلس معهما أخوها (ترباس) الذي يصر في كل مرة على الجلوس
على الكنبة المجوزة - بين العريسين - ناظرا إليهما بعين الشك وفي عيونه الخبيثة نظرات السخرية
همس متعوس : قولي لي يا بسبوسة
- نعم يا تعتوسي
- شو أحسن طريقة للتخلص من الصمغ؟
- فش طريقة ، بح
- خلص الأمر لله
قوم يا ترباس هات لي كاسة مي
- هي المي قدامك ، مش شايفها
- طيب قوم هات لي قلم وورقة
- آسف قلمي خلص حبره ومعيش قلم
- يا زلمة هات قلم رصاص وخلص أهلي بدي أعمل ها الحسبة
- حسبة شو؟
- حسبة بورما شو دخلك انت ؟
- طيب خلصنا اشرب الشاي وقوم عشان أنا نعسان بدي أنام فش قادر اسهر معكو
- ياخوي قوم نام حد ماسكك؟ ولا حد داس على ذنبك؟
- لا بقدرش أقوم ، أبوي قلي اوعى تسيبهم لحالهم
- يا ترباس قوم وهات أبوك بدالك الي معو جوز حكي
- طيب
يابا -- يابا -- يابااااااااااااااااااااا
- ولك قوم فز خزقت ذاني قوم نادي من بعيد
- يابااااااااااااا
- الوالد: بو
- يابا العريس بدو اياك وانا رايح انخمد عندي مدرسة بكرة
- العريسان (يتنفسان الصعداء قليلا) قبل أن يأتي الوالد ليأخذ المناوبة عن ابنه
يجلسان دقائق وهما متماسكا الأيدي ثم يفضا الارتباط عند حضور الوالد
يتبع