[الجزائـ عشقي ــر]

المشاركة الأصلية كتبت بواسطة fatih84

اختي المشاكل بيناتنا بزاف الأن حكاية هذي خلاص رانا تصلاحنا و درت نية و نسيناها مبصح الأن مشكل جديد عندها صديقتها جديدة منذ 3أشهر و صديقتها هذي مانيش مرتحلها طلبت منها تبعد عليها خاطر راني خايف عليها منها مبصح صديقتها هذي قالتلي عندك ما دخلك فيها او راك ما تقدرش تبعدها عليا يعني تحداتني و بالأخص كي سمعت بلي راني طلبت منها تبعد عليها خاطر إذا كملت معاها هذي الصداقة رايحة تضرها

المشاركة الأصلية كتبت بواسطة fatih84

او الطفلة لي نحبها هذه الأيام دائما مع صديقتها هذي عندها في البيت في بعص ألأحيان تبقى عندها 3أو 4 ساعات و هذا الشيء مقلقني و يخليني نتسأل 3ساعات و هي مع صديقتها و الأهل نتاعها ما يحاسبوهاش طول هذي المدة و هي عند صديقتها هذي و قالتلي مانقدرش نبعد على صديقتي عجبك و لا ما عجبكش ما لقيتش حل

السلام عليكم

قرات موضوعك أخي و الردود
و قد وصلت إلى هذا الرد
ما لمسته ان الفتاة لم تنضج بعد لانها في سن المراهقة
و اللي أهلها ما يحاسبوهاش وين تروح و منين تجي واش تتوقع منها؟؟
اختر فتاة رزينة وواعية
ماشي وحدة تقوللها حاجة تروح تحكيها لصديقاتها
الزواج تكوين أسرة يا أخي
الطفلة صغيرة
و زيد الحب هذا ما كانش منو قبل الزواج
وقتاش تقول ان نحب كي تحب زوجتك
أما انك تقول نحبها و كي تتزوجها تقول يا ريتني ما ديتها هذا ماشي حب
خلي عقلك يختار اخي و خليك من هاذ المشاعر اللي ما عندها حتى معنى
قاتلك ماشي راجل
ضرباتك
و زيد كلامك توصلو لصديقتها
واش راك حاب سلبيات أكثر؟؟؟
راجع نفسك أخي و لا تتسرع
رأي والدك صواب
و رضاه يعني نجاحك
و انا لا اقول لك وافق على كل من يختارها لك
و انما فكر في ما اقترحه عليك
ان اعجبتك من اقترحها عليك وافق و ان لم تعجبك اختر غيرها و اخبره بذلك
لا تتزوج مرغما و لا تتزوج امراة غير ناضجة
الزواج هو بناء اسرة أخي
الله يوفقك