[¨°o.سيدو~علالو.o°¨]

المشاركة الأصلية كتبت بواسطة قطرات المطر

و كيف العادة دوارنا و حكاياتو اللي ما تخلص .......و في يوم من الايام اتفرجوا واش صرى اهل الدوار و غزو الفضاء

عليبسة : يا اهل الدوار ارواحوا اسمعوا الاخبار راه جاينا اعصار خليونا نطيروا من الدوار ....واع واع راح نموت و ما زوجتوني

و جاء كل اهل الدوار الى الساحة المعروفة مقر دوار الزهور (السوق بالضبط محل صلحون )............

الكامل : بسم الله الرحمان الرحيم كل صباح نقول ما راح نصبح عليه و نلقاه في وجهي ......شاب و شيبنا معاه قالك اعصار هذا خرف لازم ينحيولو منصبو و يعطيوه ليا .......ههههههه احم احم

و بدا عمي الكامل يتخيل في روحو متزعم رئاسة الدوار ... و على قولو حلم من الكبار

حمزون : بقرونتي الزينة وين راح نخليك ....ما نعيش بلا بيك ....ما نتخلى عن حليبك وين نروح نديك .......

المسكين من الخوف رجع شاعر زمانو .....ما خمم في دارو يخمم غير في بقرة الجيران[IMG]https://t2.gstatic.com/images?q=tbnjoG4wwvI24mmM:https://up.*********/uploads/60f5075d70.jpg[/IMG] .....قمة الوفاء ....

العمدة : خلاص اسكتوا علينا ...عليبسة راه يدلل علينا باغينا نزوجوه ....
صلحون و سليطنة : يا السوما ارواح ارفد معانا لازم نرحلوا... العيشة بلا زلابية ماهي عيشة هنية

و بداو الفزاعات يشوفوا للزلابجية و يلمحولهم بنظرات شرانية .....زلابية ماش قلب اللوز ؟؟؟؟؟؟؟؟

سنسن : جا الفرج نروح نهرب من هنا باه تجي الرزقة يخلصنا ربي من شعور الشوك
دردر و لموش و دندون : سنسونتنا وين رحتي احنا معاك .....هيهيهيهيهييييييييه

و مع العلم الخابوريست ما يخفاها خبر ....كالوسواس بين الناس تسمع في الاخبار و توصلهم لعدلون و سيدها ابو العلال
مخافرية اخر زمان راقدين لا شغل و لا عمل .......

المخفر : يا ابو العلال افطن الدوار راح ينهار ....الحق السوق فيه شجار ....
ابو العلال و عدلون : حلم و الا علم الفلاقة جات زغردوا يا البنات

و ناضت دلالة الخابوريست و تعرفوا صوتها تغني و تزغرد ......مساكن دخلوا في غيبوبة

طوماطو و سعدية : راهم جاو المخافرية ....يا ربي ما تكمل الحرب بزردة و عرضية .......آآآآآآآآآآآآآآآآآآآآآآىى
الفزاعات : كيف يقولوا نفسي نفسي ....لازم نصنعوا طيارة ...تكون كبيرة و جبارة يطلعوا فيها قاع غير الزلابجية
سومااااااااا : لالالالاااااااااا يرحم باباكم شدوني معاكم ...اسناو نجيب العلم ما نروح بلا بيه .....
عليبسة : راه جاي الاعصار .....افطنوا يا اهل الدوار قلتلكم سمعتها في هاذيك الي واش يسميوها .......واش يسميوها ......la meteo
اهل الدوار : la واش ....
عليبسة : الاحوال الجوية ......شتوا راني مثقف....ههههههه زوجوني قبل ما يجي الاعصار و يضرب الدوار ...واع واع واع

و ناضوا اهل الدوار يغنيو ''''وين الهربة وين ''''وين الهربة وين '''''
و بعد ساعة نزل من السماء شيء غريب .....اهل الدوار داخوا قاع عدا الفزاعات ...معروفين الشر خلق عندهم
صحن طائر ....هههههههه فيلم ....راحوا الفزاعات عطاو طريحة للمخلوقات .....الفضائية طبعا و ربطوهم بسلسة و طلعوا اهل الدوار قاع

الفزاعات : هاااااااااي راح نقودوا مركبة فضائية ....بصح وين نروحوا للمريخ او المشتري .....
اهل الدوار مع انهم دايخين : للقمر ....وين الهربة وين وين الهربة وين
الفزاعات :1.2.3 ماش وان تو ثري .. يا الله بيب بيب .... ههههه

و انطلق الصحن الفضائي بسرعة خارقة و الفزاعات عاملين عرس في وسطها
وين رايحين : للقمر ...وين رايحين : للقمر ....آلي آلي يا مركبتي حبة حبة و نجيبوها في الفيني.....للقمر طالعين زكارة في الغيارين
و لاول مرة في التاريخ تطا اقدام جزائرية سطح القمر ......قالك هربوا من الاعصار وصلوا للقمر

ههههههههه نتمنى تنال اعجابكم

*هههههههههههههه فيلم يكسر الدنيا راهو معروض في *

*قاعات جزائرليووووووود العالمية ههههه*

*مخرجتنا عادت وعادت معها الفرجة والمتعة*

*الله يخليك زهرااااااااااء مخرجتنا*

*سلام*