منذ إعلان الوزارة زيادة الأجور لعمال التربية و نشر غسيلهم و هوما يعيشوا في الأحلام و بداو يخمموا في البروجيات كان اللي حاب يروح يغسل اعظامو بالرابال و كاين اللي رايح يدير الدالة نتاع الدار و اللي حاب يشري ماروتي بصح للأسف كانت هذي الزيادات مجرد ذر الغبار على الأعين و اعتبروها البعض سياسة منتهجة من طرف الدولة باه المواطنين البسطاء اللي ماراهمش فاهمين يلوموا المعلمين و يعتقدوا انهم هم السبب في زيادة الاسعار لانهم لاحظو كل ما تزيد شهرية المعلم تزيد معاها الاسعار و المواطن البسيط يبقى يعاني
والحقيقة انه لا زيادة في الاجور و لاهم يحزنون زيادة الاجورمتعلقة بالعمال اللي راهم في الدرجة 6 وهذي كانت بكري كيما كانو يقولوا اساتذة التعليم الاساسي بصح درك معظمهم اساتذة تعليم متوسط مش اساسي المخير فيهم في الدرجة الثالثة او الرابعة حسب النظام الجديد و نتمنى من الاعضاء اللي عندهم فكرة يشاركونا في هذي النقطة
الكثير منا يقول ما الجدوى من الاضرابات راهم يضيعوا في التلاميذ علاش الاستاذ و المعلم ماعندوش اولاد و التلاميذ هذوا يعتبروهم مثل اولادهم عن البعض
