السلام عليكم
راح نفهمك
انا عضوة قديمة
ومافيها لا بيسطون لا والو
وكان نقولك شحال من رد حدفوهلي
شحال من موضوع حدفوهلي
شحال من موضوع ما لقاش استجابة!!!!
تقول تاع الصح هاد الطفلة ماعندهاش النيف باه تخرج من المنتدى
صارلي عامين في المنتدى
في البداية كنت نكره
خاطر كنت جديدة ومانعرفش الناس
الناس تشيخ بيناتهم
وانا نتفرج فيهم
حبيت نخرج في بداية دخولي
ومن بعد كنا في فترة الصيف
قعدت المهم انا نتسلى ومرات نتمسخر
قعدت في مواضيع الترفيه
والقسم العام للنقاش
اللي يجي في بالي نحطو
وما يهمنيش ادا ماردوش عليا ولا ادا ماعجبهمش ردي
لازم اخي تفرض شخصيتك
لازم تهدر بزاف وترد في مواضيع كثيرة
باه يتعرفو عليك
مانكدبش عليك ونقولك ماكاش خلاص التمييز
صح كاين
نقولك علاه؟؟
انا هادي عامين وانا هنا
منين نشوف موضوع تاع كاش عضو قديم
حتى لوكان عنوانو ما يكونش يجلب الانتباه
ندخلو
خاطر نعرف مليح هاداك العضو
ونعرف كيفاه يخمم
ننجم نستخيل واش يكون داخل الموضوع
لانني ببساطة نعرفو كيفاه يخمم
عضو جديد :
ادا كان عنوان موضوعو مثير لانتباهي الشخصي
ونشوف بلي يناسب ميولي الفكري
ندخلوا
ونقول رايي فيه
ادا عجبني ندخل مواضيع هاداك العضو
لان طريقة تفكيرو تكون عجبتني
ومع الوقت نتعرفو بيه
اخي بعض الاعضاء يجيبو مواضيع منقولة
انا المنتدى قريب حافظاتو
ومنين نشوف العنوان وبداية الموضوع
نعرف الموضوع
الا ادا كان جديد ندخل باه نتعرف عليه وعلى مضمون الموضوع
ادا لاحظت مشاركاتي مع الاعضاء الجدد
نهدر معاهم وكانهم قدامى
خاطر نعرف شعور واحد جديد في بلاصا
اخي حبيت نقولك حاجة
ماشي برك في المنتدى
وانما في كل بلاصا
باه تلقى استجابة من مجتمع ما
عليك ان تعرف كيف تتداخل معهم
وبالمنتديات كثرة الهدرة تخليك تتداخل مع الجماعة
منين ترد في موضوع
رد وكانك تعرف صاحب الموضوع
رد بكل تلقائية
وقول رايك الصريح
ماتخليش برك شكرا وبارك الله فيك
خاطر بهده الطريقة
راح البقية يشوفوك بدون شخصية
ايمالا علاه يكسرو راسهم ويهدرو معاك
علابالهم ردودك راح تكون شكرا ومشاركة قيمة ووووو
ماراحش يعرفو منك ويكتشفو حاجة جديدة
نحن هنا لنتعلم من بعضنا
ونكتشف احوال مجتمعاتنا
ان شاء الله تلقى راحتك بيناتنا
واش هو نوصيك
ابتعد عن المثالية
لاننا حافظينها وكرهناها
نحبو اراء شخصية
نتقبلو النقد
ونهوى النصيحة
راني كثرت عليك بالهدرة
قتلتك! ماعليه هكدا خير من لي نخليهالك في خاطرك
هههههههههه
بصح منين قلت واش قلت مانيش عليك انت وحدك
راني على اعضاء وحدخرين
انت شفت بعض ردودك في مواضيع
كاين اللي عمري ماشفت عضويتو حتى نلقاه يشتكي!!!
كامل مرينا على مرحلة الحيرة
والوحدة
بصح خفة وتفوت
ne خمم pas
سلااااااااااااااااااااام