السلام عليكم
تحليل خفيف:
العائلة من عائلة مرفهة يا خي؟؟؟
لمادا الغسيل يستغرق نصف ساعة
ياك تحطو في الالة ويخرج ناشف!!!!
العائلة مرفه.......
ماعندهمش خدامة؟؟؟؟
العائلة فيلتها ..دراهم..
علاه ماشي في المدينة
اد ا كانت المراة تعتبر نفسها عصرية
فالمدينة ايضا عصرية
الطفلة منين مرضت
الاستاد نورمال يخليها تخرج وحدها
ما يبعثش احدى زميلاتها معاها
ادا حصل
الاب اللي راه مهم
علاه ما شتكاش بيه؟؟؟؟
المراة ممكن تحب تخدم ومن شروطها قبل الزواج
انها تكون عاملة
بصح لا اعتقد انه ادا كان راجلها بخير عليه
راح تخدم استادة
لان التعليم خدمة الزواليا والزواليات
ثم ادا كان عندهم دراهم كامل هكدا
واش راح دير هي بخلصة مدرحة
وكلنا يعرف الاستاد وشحال يخلص
هناك اجابيات اخي لعمل المراة
خاطر نسبة الرجالة نقصت
والله العظيم نعرف امراة:
ام لطفلين
فتاة وبنت
وعندها زوج
كان خدام ومن بعد حب يزيد في تطور خدمتو
راح لاسبانيا
وتما ربي عالم واش صرا
وادا كان يخدم ولا لا
!!!!!
الراجل 4 سنين ما رجعش
واش حبيت المرا تخلي ولادها يموتو بالشر؟؟؟
كانو كاريين دار
ومن بعد ماقدروش للايجار في السنة الاولى بعد الهجر
خرجت الام للعمل
وابناءها كانو صغار
تخدم فرملية لانه كانت عندها خبرة....جابت الخدمة وتحصلت عليها بدعوة الخير برك....
قلتلكم ماكاش عندها باه تخلص الايجار
ايمالا خرجت من هاديك الدار
وراحت لدار باباها
والدتها الله يرحمها
وزوجة ابوها ماكالاه نحكيلكم
لكم ان تتصوروا
ابشع الحالات
والله العظيم
هده المراة عاقلة بزاف وماكانتش تحب دير مشاكل
لانها كانت تحس روحها عبء على باباها
وكانت تخدم برك تلايم شوية دراهم وتروح تكري
شاءت الاقدار مات باباها
ولان العائلة تاعها
جاءتها الصدمة جد قوية ما قدرتش تخمم في اي شيء
ادا قلتلكم هاد الشيء
ماقدرتش تخمم ......!
فهدا لانه زوجة والدهم احضرت شقيقها
وخواووا الدار في شاحنة
نقلت الى دار اهل زوجة الاب
وابناء المرحوم كانو يبكيووا عليه في تلك الفترة
المهم
ومن بعد طالبة بحقها في الدار ..زوجة الاب.........
الام المهمومة راحت تكري
ونقلت اولادها واغراضها لبت اخر
مانحكيش حالتو....هي اللي كانت عايشة كيما الملكة في درا باباها........
بالدراهم اللي ورثتهم من الدار تاع باباها
ومن بعد هكدا سارت الايام
الى ان جاء المغترب بعد 4 سنين
الام كانت لا اب لا ام
عندها شقيقات اللي طالما كانو يحنو عليها
ويعاونوها
لان فرملية مع زوج دراري وكرية وحدهم...!!!!
بامكانكم تصور حالتهم
بعدما عاشو في دار الله الله ..!
المهم جا المغترب وطلب السماح من مرتو
لانها كانت ناقصة حنانة البهلولة قبلت بيه يرجع
ونقوللكم الكارثة!!!!
جا لا خدمة لا زدمة
ماصابش وين يروح قعد عند مرتو!!!!
البنت والولد ......اولادهما......
كبروا
الولد شاف الحالة المزرية اللي عايشتها امو
وباباه قاعد يستنا فيها تجيبلو دراهم باه يشري دخان
المسكين راح حبس قرايتو بلا مايقول ليماه!!
وخرج يخدم
الاب لقى خدمة ..... واش دار؟؟؟
هجر المراة للمرة الثانية!!!!!!
الطفل راح يخدم ورجع راجل يتكلو عليه
خدم في الحقول وفي عمرو 14 سنة!!!!
وكبر على الخدمة والمسؤولية
باه يقري ختو ويبعد الدل على يماه
كبر الطفل
وراح سجل في الجيش
لانه كان بدون عمل ولازم عليه
مادخلش aplé هو راح بارادتو
ومازاله لليوم يخدم
شرا ليماه الدرا
اقصد تعاونو في شراء الدار
وشراووا اغراض البيت مع بعض
وشرا اللوطو
وقبل السنوات الاخيرة
جاء العزيز باباه
الطفل تنارفا منو لانه اليوم رجع راجل
ويعرف واش راه صاري!!!!!
الام البهلولة قبلت برجوع الوالد
اما الولدان الدان باتا يمقتان والدهما
رفضا تواجده معهما
الام صارت تقنع فيهم وتحلل
لانها تحتاج رجلا يحميها!!!
اقصد انها كانت تحبه ولم تستطع نسيان داك الحب
ثم ان الخبيث يعرف يشري هدرة!!!!
اخوانها وخواتاتها ما قبلوش بيه
ولا حتى ابناؤوا
ولكنهم في النهاية كلهم استسلموا للامر الواقع
لرضاها .......
مازالو اليوم في دارها
هي تخدم وابنها مازالو في الجيش
خاطر امضاأ على كونترا 4سنين
قبل رجوع والده بقليل
وماعندو مايدير الان
عارف امو مع الخبيث وعندو حق زيارة عائلته
2 مرات في العام برك!!!!
هي الان العائلة هكدا تعيش
الام تخدم
الطفلة راح تتزوج
والطلفل في الجيش
والاب راقد ويمونجي
ويضرب تورات باللوطو تاع المخلوق وليدو!!!!
انا حكيت القصة لان الام وابناءها
من اقربائي وانا شاهدة
ووالله العظيم مازدت غرام
بل اني تفاديت بعض حلقات الهم
لان السلسلة طويلة
اه ملاحظة الطفل في الجيش في عمرو 22سنة اليوم
لو ان المراة ماخدمتش ماكانتش راح تعيش وعائلتها!!!!
هادي لقات الخدمة بدعوة الخير برك
واللي يخدعها خبيث واش راح تدير؟؟؟!!!
تستنا دعوة الخير
انا اؤيد المراة اللي تقرا
على الاقل عندها امل تلقى خدمة
هادي بالنسبة لمعارضي دراسة الفتاة
اما الخدمة
بعيدا عن هده القصة
حبيت نقول ان اليوم في بلادنا
تقريبا لنا طبقة متوسطة او فقيرة
الططبقة الغنية تاع ماليها
ولهدا في العائلات الفقيرة
خلصة واحدة مادير والو!!!
سامية بقصتك اخي
بخير عليها وماكاش لازم تخدر
لانها تستطيع دلك
نساء اخريات وكان ما يخدموش مايعيشوش
مانكدبش عليك
انا عن نفسي لوكان نضمن الراجل اللي يديني
يخليني نعيش كما عشت في دارنا
ولا ماعليه اقل
المهم عيشة كريمة
مانزيدش نخمم في الخدمة
ومانقراش لانه هدفي خدمة برك
بصح ما نحبسش القراية
بماانه ماكاش اللي يضمنلي
والضامن ربي برك
ماراحش نحبس القراية
رغبة مني في الحصول يوما على عمل
ان شاءت الاقدار
والدنيا دارتها بحالي
لازم نقراووا للزمان عقوبة
لازم دير احتياطاتك
المراة رجعت تخاف
لانو الرجال مابقاوش بزاف
قعدت فيهم برك الكاركاس
رايي
شكرا
سلاااااااااااااام