ياريتني ننسى ونبدا من جديد
ياريتني نحقق كل حلم انا تمنيت
ياريتني ننسا حب لغريب
نقد ونتفكر ديك القعدة لمزينتها لنجوم
ضو لقمر لازالو بحالو ولازال كلامك مرسوم فلغيوم
مزالك كي البارح كي اليوم
مزالك منور بشموع اليل
ياريتني جيت حمام انطير العندك تحظني بيديك
ياريتني قريبة ليك نلبسلك احلى حلة اونغويك بلعين
يارتني انا ليك وانت ليا من لبعيد
اتفكر ياغالي حبي ليك
اتفكرني ورسمني في خيالك يازين
اتفكرني وخليني دايمن على العين
شفت شحال كان حبي ليك زاهي
بنوارو ساحر
وبقلبو صادق
بلسانوكسبك وخلاك ليه رفيق لعمر العابر
حبيتك ماشي بلعاني
حبيتك من قلب رهيف
حبيتك الله غالب هذا هو لي مكتوب فجبين
ياريتني مننساك متنساني وتخليني ليك
يارتني نغير ازمان وتقاليد
ونخليك قريب للعين
نلمسك نحس بلي راك ليا حبيب
نلمسك انحس بيك قريب
ياريت كي اتجي الموت تديني اتكون ليا شهيد
ياريت اتكون ليا وحدي معليش من لبعيد
ارفد يديك ودعي معاي ربي ايلقينا فجنة الخلود
ارفد يديك ودعي معاي ان نلقاك مهما يصرا ويصير
ربي ايخليك ليا ولمالك ياطير يلي حبيتك من لبعيد
بلا مشافتك العين
بلا ملمساتك اليدين
بلا مسلمت عليك على لجبين
يارتني ويارتني وياريت اتحن علينا لقلوب
وماتفرق بين قلبين
نبغيك والله لا نموت عليك