[كمال الاسلام]

وعليكم السلام


يا لبنى عمرى 24 سنة و بضعة اشهر

يعني راني غير معني بالموضوع



لالا بل معني اكثر من بعض الاخرين لان صح اقضي الكثير من الوقت هنا

ليس لاني منيش نحوس

بل عكس كل اسبوع وين راني

وراكي تعرفي الاوراق في بلادنا على الاقل اسبوع باه تفرى

واخر صيحة كنت راح نخرج الجنسية صحقتها في احد الملفات تاع عمل

انا وين لقيت نحط ومنراطي والوا


ايه اخر صيحة طابع بريدي تاع 30 د ني في بومرداس ني في العاصمة كاين

وريحي نتي فاهميهم وقليلهم نسحقها سريعا


وثاني نحكيلك هذه صراتلي غير الايام الاخيرة


كنت طامع زعما نلقى بلاصة تاع تشغيل الشباب
8000 دج في الشهر من عن الولاية و شوية من الشاركة

جروني 10 ايام رايح جاي و 5 كلغ تاع اوراق الملف

في الاخير واش قالولي

تروح تنقي الزقوات في الطريق


رغم كنت قادر نغشهم ونروح نجيب اي كاشي من شاركة نعرفها ونقوللهم راهم قبلوني

بصح حبت نكون نزيه معاهم ونخدم بلادي


وماشي نوع الخدمة لغضتني يالبنى والله كنت مستعد نخدم اي خدمة

بصح خممت شوية وقولت نسمح في قريتي على جال عام خدمة غير مضمونة و واشنها نقيلهم ............

وكي تفكرت كيفاش كانوا يبعثوا الاقل مستوى منى لمناصب لا يستحقونها
وخاصة لبنات كامل للبروات

ثم يأست واحد اليأس من هذه لبلاد


لكن ميأست من رحمت ربي

وراني صابر حتى يفرج ربي ان شاء الله