[الزبرجد]

السلام عليكم

هذا وين جبت موضوع صح تاع البلاد

شوف خويا ....كاين اللي يشوف بلي المرأة نتاعو تركب في الخلف حتى و البلاصة الامامية فارغة ...هذا يليق نجلدوه

كاين اللي ما عندهم حاجة .....يركبو وخلاص و القراعجية كيفي و كيفك و كيف كل واحد دخل للموضوع ..باقيين نطلعو ونهبطو...هنا

حنا يليقلنا الجلد بالسوط

و كاين اللي يشوف بلي من الاحترام أمو تركب في الخلف ...على طريقة الرؤساء ....هذا معذور لأنو نيتو صافية

و كاين اللي يحب يركب مرتو من الامام حتى و هو علابالو بلي من المفروض يركب أمو ....هذا حليل يماه و ش راها تكافح

و اللي حاب يرضي أمو و زوجتو و أنا و أنت و كل الي دخلو للموضوع وكل الناس يشري hilux ترفدهم في تلاثة من القدام

ملاحظة : اذا سوطيتلي لشكون تجي من جيهة الباب و شكون تجي في الوسط ......نعرفك ثما بلي سبيسياليتي تقرعيج