[zawch]

السلام عليكم

شوفي اختي هذا موضوع حساس جدا جدا

أولا : لا علاقة شرعية بين الجنسين غير الزواج

ثانيا : و الحمد لله مزال عندنا النيف و الغيرة على الشرف

الشباب ماهمش زي بعضاتهم .. فينا المليح و القبيح

و راكي تعرفي شباب الشات او التلفون .. في وقتنا هذا ..

واش هوما

هو كل واحد ربي يسهل عليه

مي لوكان نضمن بلي الشباب نتاع اليوم متربي و صادق
و .. الخ .. من الرجلة و الاخلاق

نشريلها بيسي من عندي و تكونيكتي 24/24

و ماشي شرط انترنات او تلفون راهي كاينة تاني الجامعات و الاسواق .. الخ

مي ألي متربية متربية يا لو كان وسط 100 راجل

و الحمد لله راني حاط الثقة العمياء في خوتاتي

مي راه جاي وقت الله يحفظنا و يسترنا منو

راه جاي وقت تولي بنتك تقلك بابا بابا

اليوم راه جاي صديقي يدرس معايا في الدار !!

باش تشريلي القاطو و القازوز و نفرحوا بيه

او تقلك بابا اليوم سهرة فور في البوات راحت عليك

و تفكريني عام تشوفي هذا الشيئ قدام عينيك

و تقولي ايييه قالها الزاوش


هذا رايي

و السلام عليكم