السلام عليكم... با ترى يا شباب راكم قادرين تتحداو و لا غير هدرة؟؟؟؟؟؟؟؟؟؟
في وقتنا الحالي صعيب على الشاب لي يقرى و مزال يكون في روحو باش يخمم في الزواج لأنو في نظرو أمر مستحيل يخمم فيه إلا بعد ما يكمل الدراسة و يلقا خدمة و يدبر الدار و المهر و تكاليف العرس،،،،،،،، إذا حسبنا الحساب العادي الشاب يربح الباك على 18 عام يدخل الجامعة على الأقل 4 سنوات، يروح للعسكر تقريبا عامين، باش يلقى الخدمة تقريبا مستحيل
أكيد رايح يبدا بالخروطي نتاع العقود و لا الإدماج .. و باش يستقر في الخدمة و يعود موظف عندو دخل محترم لازم تقريبا 6 سنوات .. هنا يبدا يخمم في الزواج.. لازم يجمل زيدولو عامين ولا ثلاثة.. أزمة السكن راهي واجدة لأنو مستحيل يقدر يأمن سكن خاص بصح معليهش ممكن يكري... حاليا عندو تقريبا 33 عام
في هذي الفترة كاااااااااامل أكيد يكون حب فيها خاصة في مرحلة الجامعة و تكون عجبتو أكثر من بنت و حلم و تمنى يزوج بصح الله غالب.....
من هذي الناحية حليلهم الشباب لأنهم صح يعانو من هذا القهر الاجتماعي الرهيب...
و لااااااااااااااااااااااااااااكن في مرحلة الجامعة بالذات وشكون لي عندو الكوراج باش يتقدم لبنت حبها.. و يطلبها رسميا من والدها و يشرحلو ظروفو و يروحلها بأصلو ميش بـ وش عندو .. يعني أنو يكون خطيبها حتى يلم روحو... طبعا لتفادي العلاقات المحرمة و باش يكون مرتاح مع حبيبتو...
المهم نتحدى أي واحد عندو صح الكوراج و يديرها و ما يقولش راه باباها ما يقبلش، يسعى للحلال و الباقي على ربي..
مع احتراماتي