اود أن أنقلـ اليكـ قصهـ لفتاة لقد عايشتـ قصتها الحمد لله من الله تعالى عليها بالهداية واسأل الله العظيم لها ولنا الثبات على دينهـ ....
انا بنت ملتزمة وعمري 24 اكبر اخواني واخواتي وحافظة القرآن الحمدلله..
اللي يمكن يميز قصتي عن قصة اي حب تانية اني انا ملتزمة وحافظة القرآن..
فناس كتير مايتوقعوا من حافظة كتاب الله انها توقع في علاقة حب.. انا نفسي كنت اشوف البنات يحبوا واسمع بالحب بس اقووول مستحييييييييييييييييييل احب ولد ولا اكلم ولد..انا ملتزمة ما اسوي زي هدولا البنات..واهلي الحمدلله واثقين في تمام الثقة..
المهم بداية قصتي كانت في نهاية الحج السنة اللي فاتت 2008..
طبعا احنا عندنا دي اس ال ف البيت فالنت عادي ممكن ندخله اي وقت..وانا احب اجلس على النت لما اكون فاضية اتكلم مسنجر مع صاحباتي او اشوف ايميلاتي..
فيوم عرفت عن موقع العاب اون لاين فقلت خليني ادخل واجرب وياريتني ماعرفت الموقع..محا اقلكم اش هو الموقع ولا حاجيب اسمه لاني كرهته..والله يسامح صاحبه او صاحبته..
المهم هدا الموقع في شات(المحادثة)..فانا ف البداية شوف كيف الشيطان يمهد للانسان المعصية..قلت انا ماراح اكلم اي احد يكلمني ولا ارد عليه واصلا انا ملتزمة ما اكلم اولاد..
طبعا في البداية كنت قوية وما ارد ع ولا احد..بعدين صرت العب مع الناس اولاد وبنات واشوفهم يهرجوا واقول بس ارد السلام طيب لين شويا شويا صرت اتكلم مع كل النااس واعتبر الامر عادي..
مافي اي شيء..المهم..كل مرا العب مع ناس مختلفين..مرة لعبت مع واحد (اللي هو حبيبي)وكان بس ساكت واانا ساكتة برضو ماتكلم..
وصرنا كم مرة نلعب ونسكت لين يوم مافتكر مين بدأ واتكلمنا وعرف اني حافظة القرآن..
المهم صرت بعد فترة العب وهو عارف اني انا ملتزمة وما اكلم احد ومؤدبة ف الكلام..جا يوم ولعبت مع واحد ومال قلبي له وبدأت احبه..
صارت طريقة كلامي مختلفة عن اول واتكلم عادي واكتب خواطر واشعار ف الشات..فالاول اللي هو حبيبي لاحظ وصار ينصحني يقولي انتي اتغيرتي..
انتبهي فقلتله اني حبيت عشان كدا..فصار يقولي انتي بنت القرآن مايصير تسوي كدا وانتبهي هدا الشيطان وينصحني..
فانا وعيت انو اللي انا فيه غلط وانه حرام فصار ساعدني اني اترك هداك الشخص..ساعدني والحمدلله تركت هداك..
بعد فترة صرت اهتم اني العب مع الشخص اللي ساعدني (حبيبي) واقول هدا شخص مرة طيب وعجبني اهتمامه بي..
فملت لمجرد اهتمامه ماكان حب او تعلق بس مجرد انو عجبني..
طبعا حتقولوا نتوا كيف ساعدك تتركي الاول وبعدين حبيتوا بعض..انا اقلكم زي ما اغواني الشيطان اني ملتزمة وحبيتو هو كمان الشيطان اغواه وصار اللي بيننا مو مجرد
اهتمام بس تطور الى علاقة حب وعشق..طبعا صرنا نتكلم مسنجر لين صرنا ادمان انا وهو..نتكلم بالساعات ومانقدر نفارق بعض..
بعد كدا اتطورنا وصرنا نتكلم جوال ورسايل وشفته وشافني..
(لاتقولوا كيف سويتها وانتي ملتزمة الشيطان مايعرف ملتزم ولا غيره الشيطان بس شغلته يغوي بنتي آدم عشان يتحصل على اكبر عدد معاه في النار)
الولد جدا محترم واخلاق ماعندو كلام وضحك على البنات..حتقولوا اش عرفك يمكن يكزب عليكي..لا انا عرفتوا وفهمتوا وكان جدا مخلص..
والسبب انو انا اول حب في حياته وهو اول حب في حياتي كان حبنا مخلص ومافي اي خيانة..وحتى كنت اكلم اهله..
المهم فضلنا كدا لحد اليوم تقريبا لنا 9 شهور في هذي العلاقة ومحد من اهلي يعرف وهو اهلو عرفوا انو يحبني..
هو قبل مايحبني كان مرة مصمم انو مايتزوج..بعد ماحبني قال لاهلو اخطبولي هي..خطبني 3 مرات بس اهلي ماوافقوا لانو مو من جنسيتي ولانو المواصفات اللي فيه
مو هي اللي يبوها لبنتهم وطبعا هما مو دارين اني احبه..
طبعا اليوم الصباح هو راح نام وانا ماكان راضي يجيني النوم فقلت خليني اتصفح المواقع فقالتلي صاحبتي ادخلي منتدى ..... واقري الموضوع الفلاني..
الموضوع اللي قالتلي عليه طبعا مو هو الموضوع اللي كان سبب توبتي..جلست ادور للموضوع اللي قالتلي اقريه ومالقيته..فقلت خلاص اقرا المواضيع التانية..
قرأت قصص حب لبنات مؤثرة وقصص تانية برضو مؤثرة..
وانا بأقرأ قصصهم عيوني دمعت وصرت اقول يارب خليني عيني تجي على موضوع يأثر في مرة..
جلست اقرأ لين طفشت ف المواضيع وقلت خلاص باروح انام الا قبل ما اقفل المنتدى جات عيني على عنوان::
الى كل فتاة تحب شاب قلت خليني ادخل واشوف اش في هنا
من اول جملة قرأتها حسيت قلبي يعورني وبدأت عيوني تدمع..
وطبعا عشاني حافظة القرآن فكنت اقرأ الايات وابكي..ماقدر اقول انو جملة او كلمة معينة اثرت في في الموضوع وخلتني اتوب..
بس اقدر اقول انو الموضوع ككل كان لو الاثر الكبير في نفسي..
بعد ماخلصت قراءة الموضوع بكيت ونسخت الرابط ورسلته لحبيبي اوف لاين على المسنجر..وقلتله شوف هدا الرابط واديني رايك بعدين..
ورحت انام وانا ابكي وادعي اقول يارب زي مازرعت الحب في قلبي وقلبه انزع هد الحب من قلوبنا وسكن نفسنا ورضيينا نترك بعض عشانك يارب..
وحطيت راسي ع المخدة وكلي دموع وبس استغفر لين غفلت عيني..
صحيت ولقيت رسالة في جوالي من حبيبي..يقولي سبتلك رسالة ع الايميل..سامحيني يا اغلى من سكن روحي..شوفيها واقريها كويس..
انا علطول فتحت الايميل وكان قلبي مرة يدق خايفة انو بيقول حيتركني ..فتحت الايميل والمسنجر..
وللمعلومية واحنا مع بعض كزا مرة كنا بنترك بعض ونقول عشان ربنا بس كنا نبكي ونتألم ونرجع من اليوم التاني..
لكن هدي المرا كانت فعلا حقيقية.
لقيته اوف لاين يقولي قرأتي الايميل..
(رحت انا قرأته ولقيته فيه يستسمح مني ويقولي انو مرة اثر ف الموضوع وانو حبنا لله اشد..(وهذي من ضمن الكلمات اللي كانت ف الموضوع مكتوبة..
وانو احنا حنسوي هدا الشيء عشان ربنا لعله وعسى ربنا يوفقنا وانا حافضل اخطبك واحاول واذا ربنا اراد يجمعنا واذا مااراد يجمعنا ف الاخرة..
ولاتكرهيني ولاتزعلي مني وحنتألم انا وانتي بس حنصبر عشان ربنا..
ومانبى تغضب ربنا اكتر من كدا ونتوب..
بكيت انا بس كان جواتي كمان يقين انو هدا الشيء الصح وانو ابغا اسوي كدا عشان ربنا..
قلبي مرا عورني وجلست ابكي وودعنا بعض بالمسنجر..
وكانت اخر لحظة اكلم فيها حبيبي وودعته وانا قلبي متألم اني ماعاد حاكلمه تاني و9 شهور ماهي فترة بسيطة كانت حتقرب سنة كاملة..
فمن جد مرة صعععععب الفراااااق وصعب انو تركنا بعض..
لكن هدا الشيء سوينا عشاااااااااااااااااااااااااااااااااااااااان ربنننننننا بس مو عشان احد تاني..
وانا والله اليوم ما اكلت ولا حاجة ولا لي نفس اكل شيء واجنابي وقولوني ومعدتي كلهم تايرين والحمدلله..
كل ما اتذكره ابكي واجلس اقول عشاااانك يارب فثبتنا..
فياااااااااااااااااااااااااارب تجبر خاااااطري وخاااااطره وتوفقنا وتجمعناااااااااا يارب ف الدنيا بالحلال ..
ياااااااااااارب يااااااااااااااااااارب نزل علي وعليه الصبر والثبااااااات وقوة التحمل ياااااارب وابدل كل دمعة من عيوننا بسعااااادة لاتوصف ياااااارب..
دعووووووووووووواتكم يافراشات انا مالي غير كم ساعة تائبة..
مررررررررررررررة تعبببببببببب وألممممممممممممممم وبككككككككى ..
الحممممممممممدللله ياااااااااااااااااااااااااااااارب رضاااااااااااااااااااااااك بس ياااااااااااارب..
اسفة اني طولت عليكم وهذي نهاية قصتي..
الحياة ماهي الا يام ودقائقـ
فكلنا سوف نمضي الى ترابـ
فلما نضيعها في
علاقاتـ محرمة
في معصية الخالقـ
في ضياعـ النفسـ
نعمـ الحبـ غايهـ ضرورية
ولكنـ لتكنـ في الحلالـ
نحب والدينا اخواننا اخواتنا
نحب المسلمينـ
ولكنـ أحبـ شابا لا تربطني به علاقهـ
شرعيهـ فهو اساءة لنفسي , ومعصية
لربيـ
الكثيراتـ ممن دخلنـ في هذهـ الدوامهـ
لم تخرجـ منها الا وهي خسرانهـ
خسرتـ شرفها وكارمتها
عصت خالقها الذي انعم عليها بكل شئ
لوثت سمعهـ اهلها
جعلتهمـ حكاية على كلـ لسان
دمرتـ مستقبل اخواتها
في كلامي لايعني ان الرجلـ لايتحمل شئ
الرجل مثلهـ مثل المراة في هذا الخطأ
ولكنـ لاني احبكـِ
فأنتـِ أغلى .. لانكـ نصف المجتمعـ
لانكـ مربية الأجيالـ
أكتبـ اليكـِ تلكـ الكلماتـ
التي كتبتها بدمـ قلبيـ
كيـ تصلـ اليكـِ
أنتـِ وحدكـِ
فأقلبيها منيـ
وتقينيـ بانها من قلبـ صادقـ
الى قلبكـ أختيـ
وفي الختام
اسأل الله العظيمـ
أن يتقبلـ منا
وان يهدينا الى سواء السبيل
