[مولود حداد]

السلام عليكم ورحمة الله
الكثير منا يشكي الفراق وتقطع الوصال مع المحبوب هذه محاولة لتقديم وصفة دواء .. حبة صباح حبة عشية

يَالـلـِّي رَاكْ قـْرِيــبْ تـَهْـلـَكْ *** وْعَايـَشْ فـَالدَّنيَـا مَهْمُـومْ حْـزِيـنْ
وْحْـبَـالْ الـوِصـَالْ تْقـَطْعَـتْـلَـكْ *** مْــعَ المَحـْبُـوبْ يَــا مَسْكِـيـنْ
وْحَـابُّــوا يْـجِــي يَرْجَـعْـلَـكْ *** وْيْـكـُونْـلَـكْ مَالـخَـاضِـعِـيـنْ
إذَا حـَـبِّــيــتْ نْــقُــولَّــكْ *** وَنْوَرِّيـلَـكْ الـطْـرِيـقْ مْـنِـيـنْ


قـْلُوبْ هَـاذْ النَّـاسْ شْكُـونْ مَالَكْهـَا *** يـَـــاكْ الله رَبْ الـعَـالَـمِـيـنْ
بـِيـنْ صْبـَاعُـو هـُـوَ يْقـَلَـبْـهَـا *** تْصَبَّحْ عْلَى حْوَايَجْ وْتْعَشِّي عْلَى اخْرِينْ
وْهَـذِي هِـيَ القَضِيَّـة وِاذَا فْهَمْتْهَـا *** مَـنَّــا نْـكُـونُـو مَنْطَـلْـقِـيـنْ


عـْلآشْ تَجْـرِي وْتْكَسَّـرْ رَاسَــكْ *** دِيرَاكْـتْ يَـا خُويَـا تْوَجَّـهْ لِـيـه
اتْضَرَعْـلُـو وَاعْــرَضْ حَـالَــكْ *** وَقْبَلْ اسْتَسَمْحُوا كِي أعْرَضْـتْ عْلِيـه
قـُولُـوا يَـا رَبِّـي عَبْـدَكْ جـَالَـكْ *** يَشْـكِـي فْــرَاقْ مْـأثَّـرْ فِـيــه
إذَا كـَانْ مَـا يْنَـافِـي مَرْضَـاتَـكْ *** دَوَّرْلِـي ذَاكْ القَلْـبْ رَانِـي نَبْغِيـه
عَيَّانِـي سَهَّرْنِـي اللِّـيـلْ الحَـالَـكْ *** وْجَسْمِي الغَمْضْ مَـا شَافَـتْ عِينِيـه
وْسَامَحْنِي يَارَبِّـي إذَا مَـا رْجَعْتْلَـكْ *** وْتْكَلْتْ عْلَى قْفَازْتِـي مْشِيـتْ فَالتِّيـه
وارْحَمْنِـي بَالوَاسَـعْ مَنْهَـا رَحَمْتَـكْ *** وْرَيَّحْنِـي مَالهَـمْ الـلِّـي نْقَاسِـيـه


هْنـَا تْـشـُوفْ إذَا مَــا جـَاوْبَـكْ *** وْسْهَـامْ اللِّيـلْ مَـا تَرْجَـعْ تْصِيـبْ
تـَلْـقَـى الـلِّـي بَـعَّــدْ عَـنَّــكْ *** يْقُولْ عْلاَشْ عْلِينَا مَـا وَلِّيـتْ قْرِيـبْ
يْقُولَـكْ كَلّّمْـنَـا وْيْـحَـلْ مْحَـلَّـكْ *** يَرْجَعْ هُوَ المْرٍيـضْ وَنْـتَ الطْبِيـبْ
وَسَقْسِـي المْجَـرَّبْ هُـوَ يْخَـبْـرَكْ *** مـَنْ فَعْـلْ الدْعـَا الشِّـي العْجِيـبْ


الـمُـهِـمْ انـْـــتَ جَــــرَّبْ *** يَـاخِـي مَــا خْـسَـرْتْ وَالُــو
سْمَـانَـة صَفِّيـلُـو ذُاكْ الـقَـلْـبْ *** أدْعـِــي يَعـْطِـيـكْ مَـحْـلاَلـُو
الخِيـر بَلْـوَانُـو عْلِـيـكْ يْـصَـبْ *** أضْـعـَافْ وَشْ كُـنْـتْ تـَسَـأْلُـو
فَالأَخِيـرْ نْقُولَّـكْ إذَا كُنْـتْ تْـحَـبْ *** رَبِّي يْحَـبْ بَـزَّافْ اللِّـي يَرْجَعْلُـو
وَالوْفَـا أَحْسَـنْ خَصْلَـة فَــالأَدَبْ *** وْبْعَهْدُو يُوفِي المُولَـى كِـي تْوَفِيلُـو