أنا راني ميجوع قالو بيا الجوع ومابغيت أرجوع للدنيا المنسية
العين تبكي بالدموع وقلبي مخلوع والسطر بين الضلوع ماعرفت لي بيا
صباح وعشية راني منشوع وكلامي ماهو مسموع
بخير الدنيا ماني منفوع والهم زاد عليا
بالي في مرجوع قالو لي ممنوع هدا ماهو مشروع ولا حد أسمع ليا
بداك الزين أنا مولوع وهوفي زينو راهو مخلوع
قال أنا كي الشمس مع الطلوع وحتى زين ما يشبه ليا
عند بالي عندهم راني مرفوع وأنا من بكري راني مخدوع
قالو لي دي الشي راهو مبيوع وأخطينا أدير مزيا
في حفرة ما صبت طلوع وكل حياتي فاتت مفجوع
تايه في ظلمة بلا شموع ولا حيلة بين أديا
كلامي هدا راهو مطبوع خارج من واقع ماهو مصنوع
ماهو لاحرام ولا مبدوع ومولانا انشاء الله يغفر ليكم وليا
لعلمكم اخواني هده الأبيات ألفتها في سنة 1993 في حق صديق مقرب وقعت له مشكلة في هدا المجال وكان لها تأثير خاص على نفسي مما أدى بي الى نظم هده الأبيات أتمنى أن تنال رظاكم