السلام عليكم
حبيت نقولكم في الاول .أنا قررت ما نزيدش ندخل في هدا الموضوع غير إدا جبت الرسمي . واليوم راني دخلت لأن عندي تقريب الرسمي .
تعرفت على أخ جديد في المنتدى وواحد من الناجحين ربي يهنيه هو خويا faycal30 عطاني رقم هاتف المديرية العامة في الجزائر العاصمة .أنا بدوري عيطتلهم هزت علي أخت طيبة ربي يجازيها قلتلها مساء النور أختي الكريمة .قالتلي مساء الخير .قلتلها أنا واحد من الناجحين في مسابقة أعوان إعادة التربية حبيت نتأكد من معلومة قلقتنا أنا وصحابي سمعنا بلي قائمة الناجحين راهي تلغات .والروطار هدا هو اللي خلانا نصدقوا الإشاعة قالتلي يا خويا ما تسمع لحتى واح راهي أكاديب القائمة مازالت كيما راهي والسبب انتع الروطار هو السطاتي الجديد وكان من المفروض الدخلة وراء رمضان زادوا وخروها إيامات برك حنى يكملوا بعض الإجراءات واللي راهم ناجحين هم اللي رايحين يدخلوا ومادام الملفات ما رجعتلكمش واشبيكم مقلقين . ياخويا ما تسمعوا لحتى واحد بربي أن شاء الله قريب تتهناو.قلتلها والله فرحتيني ربي يهنيك .ربي عينك وتهلاي في روحك .قالتلي بلا مزية بالتوفيق ان شاء الله قلتلها هيا صح.
سامحوني على التعبير الممل حبيت نكتبلكم الحوار بالحرف الواحد باش نهنيكم كما تهنيت من الإشاعات
ملاحظة/ خويا faycal30 هو سبب الفرحة ادعولوا بالخير ورحبوا بيه ياجماعة في المنتدى و ان شاء الله راح يكون معرفة خير هو من ولاية سطيف وراكم تعرفوا ناس سطيف
اللي شاك في كلامي يتأكد بنفسه
رقم هاتف المديرية العامة للجزائر العاصمة
021790602
021790600