السلام عليكم
شكرا أخي كمال على الموضوع ولكن ، لدي مداخلة
بحكم أنا أديت الخدمة الوطنية أنقوللكم واش شفت وواش عشت
،
إذا كانت عندك شخصية قوية ما يتغير فيك والو واذا كنت راجل خاطيك المشاكل والله ما يلحقك واحد بكلمة
العسكر فيها مرحلتين
مرحلة التدريب : وهي نقطة التحول من الحياة المدنية الى الحياة العسكرية
فيها التدريب لازم ( لازم تصبر ) وهنا كاين ناس نعرفهم بطلو الدخان و الشمة
وصدقوني دير واش يقولك مايلحقكش بكلمة.
وراكم جماعة وما تخافش ، التدريب و العقوبات علينا قع
اذا عمت خفت
وهذا على حساب الرتبة انتاعك ، لأنهم جماعة الديبلومات يقادروهم
مرحلة الخدمة : بعد ما اتكمل التدريب وتعلق الرتبة انتاعك ، اتكون بقدرك
أخدم واش قالولك وصدقوني مايعطولكش حاجة كبيرة لأنهم يخافو عى رواحهم لا يباصو
وهي عام ونص فايت
أنا شخصيا
ما خرجتش من العسكر حتى قريت وتعلمت و عطاولي 3 ديبلومات
عرف أولاد الرجال من كل ولاية ومن كل نوع ولحد الساعة نفتخر بيهم ونحكيو مع بعض
اذا كانت شخصيتك قوية ، انت تفرض على الناس عقليتك ماشي هم ، وكيما تدخل تخرج
وانت تأثر ماشي هم ، كاين اللي كان معايا ما يصلي ومايصوم ما يعرف قبلة
خرج بإذن الله يصلي ويصوم وان شاء الله يثبت علي الدين
وكل وقت ووقته وكل بلاصة وكيفاش
والصح كامل تكون معاك جماعة زينة
،
اللي عقبها بصحتو
واللي عطاوهالو بصحتو
واللي مريض ربي يشافيه
شكرا على الموضوع
---
مجرد رأي