[B.Badis]

المشاركة الأصلية كتبت بواسطة مراسم

السلام عليكم ورحمة الله تعالى وبركاته مساء الخير أخي باديس وشراك انشاء الله تكون بخير .
الحمد لله ياربي كي نضت من النوم والله فرحتني هكذا خار خليك ديم صاحي بصح ران نشوف بلي راك محير مع الباك قولي برك نت حاب تولي طبيب ول لالة ؟ حاب تحقق حلمك ول لالة؟ أن ران متأكد بلي راك حاب تقر طب وتولي طبيب انشاء الله أمالا كيفاه تحوس تنسى كلمة اسمه طب وتنحيها من بالك تاقي مولاك كشم واحد يفرط في حلمو بهذي السهولة ؟ كشم شفت مرة واحد تنازل على طموحاتو وخلاهة ببساطة ؟ مالازمش تيأس خلاص صح ماكتبلكش ربي تقر طب في لعوام لي فاتو بصح راك قريت حوايج هايلين كيم الهندسة المعمارية مثلا الله يبارك قرايته هايل ماشاء الله شفت بالاك ربي حابك تتفنن في الهندسة المعمارية ومن بعد يكتبلك الطب لي راك حابو ياباديس مالازمش تيأس طول اليأس عمرو ماجاب نتيجة رايح تعاود الباك هذا العام معان باذن الله ومتدنق لهدرت حتى واحد ورايح تجيبو بمعدل عالي يسمحلك تدير الطب وتحقق عدفك. باديس لي خلقنا عمرو مايضيعن مالازمش تجهل ورد بالك تحط روحك فاشل كيم قلت في أحدى المشاركات على خاطر عمرك ماكنت فاشل وعمرك مارايح تكون فاشل والطب راه من نصيبك هذي المرة انشاء الله هذا هو رأيي ومالازمش تيأس خلاص رد بالك خلي ايمانك بربي كبير وهو مش رايح يضيعك . هيا توكل عليه وقول بسم الله وبالتوفيق للجميع وهدرتي هذي راه موجه لحنان ثاني

أختي مراسم صدقيني ....أحسست براحة كبييييرة لما قريت كلامك هذا و نصائحك ....إن شاء الله رايح نعمل بيها ...و الله تمعنت معاه و خممت فيه جملة جملة ....أشكركي جزيييل الشكر على نصائحك الذهبية و المباركة ....إن شاء الله رايح نخمم مليح و نصلي صلاة الإستخارة