السلام عليكم ورحمة الله تعالى وبركاته
على ما أظن انك تقصدين الوثائق المرفقة في ملف المنحة الجامعية ؟؟
المطلوب هو :
شهادة بطالة : لأحد الأبوين أو كلاهما ( تخرجي شهادة بطالة للأب البطال وإن كانو في 2 بطالين خرجيلهم في 2 )
شهادة عدم الخضوع للضريبة : في بعض الجامعات يطلبوها لكن أنا كي سجلت في السنة أولى مطلبوهاش مني
كشف الراتب : مهم جدا ولازم تديه معاك ( اذا كان والديك في 2 يخدموا اديهم في 2 و اذا كان واحد برك ادي تاع اللي راه يخدم والآخر شهادة بطالة )
وهو ضروري جدا باه يعرفو مجموع الدخل الشهري للأبوين لأنهم يصنفو الطلبة لقسمين :
قسم يتحصل على منحة قدرها 2700 دج
القسم الثاني 2400 دج ( في حالة الأبوين في 2 عاملين )
على كل حال ما تقلقيش روحك لأن ملف المنحة الجامعية تقدري تديه من بعد لأن تابع لمديرية الخدمات الجامعية
شكرا