البسملة1 حبايبي هذه الوصفة راني ندير فيها من مدة ماشاء الله بدون مبالغة تنجحلي وتعجب الكل قلت نفيد بيه ناس المنتدى وراهي ماتكلفش بزاف المقادير 4 بيض 14 ملعقة سكر 14 ملعقة زيت 14 ملعقة حليب 14 ملعقة فرينة (انا صراحة ندير 10 فقط تجيني خفيفة بزاف) ملعقة صغيرة فانيليا+3 ملاعق اكل كاكاو +ملعقتين صغيرتين خميرة كيميائية بالنسبة للقناش: علبة شكلاطة+نصف كاس كريمة سائلة (كريمة الخفق السائلة) او تقدري اذا ما توفرتش الكريمة السائلة ديري creme fraiche سخني الكريم فريش ,غير تبدا تغلي نحيها وضيفيها للشكلاطة و خلطي مليح وخليها تبرد او ذوبي الشكلاطة ومباشرة كتنحيها من على النار ضيفيلها علبة صغيرة ياغورت بنكهة طبيعية نضرب البيض والسكر والفانيليا مدة 10 دقائق (مهم جدا) نضيف الزيت والحليب مع الخلط جيدا نضيف الفرينة المضاف اليها الكاكاو و الخميرة الكيميائية نحط الخليط في صينية ونطيبها في الفرن 180 درجة لمدة 20 حتى 25 درجة او حتى يحمرلك مليح (دخلي الموس في الكيك وشوفي اذا خرج ناشف يعني الكيك طاب بالنسبة للسنيوة 24سم x34سم خليه يبرد تماما القناش: نحط الشكلاط والكريمة في كسرونة ونحطها فوق الفرن مع التحريك المستمر حتى تذوب مليح الشكلاطة ويجينا قناش شباب شبحيه كيما تحبي بالجوز او النوادكوكو او شكلاطة فرميسال وهاهي النتيجة ان شاء الله تعجبكم مهم جدا تخلي القناش ينشف باش من بعد تقطعيه دعوة من عندكن خير من كل شئ بارك الله فيكن