[ام مريومة]

[QUOTE=ninanour;13433431]يعطيك الف صحة يا الفحلة
هل ممكن مقادير القراتان و التارتولات[/QUOTE
الله يعفيك
القراتان :هادي حنا نقولولها البرانية
طيبي صدر جاج بالبصل و الجلبانة و التوابل و زيدي اقلي بطاطا على شكل دوائر امبعد في ليان فتي لبابة تع الخبز شمخيها بالخل و شوية. مرقة تع الجاج و زيدي 6حبات بيض و فرماج كيما تحبي و على حساب ماتقدري انا ندير ستة حبات. و زيتون اخضر فلفل احكل و باكي خميرة تع قاطو و قطعي شوية معدنوس
امبعد في صينية حطي دوائر البطاطا تم فتتي الجاج نتاعك و غطي بيه كامل البطاطا و فرغي من الفوق خليط الخبز و البيض. و دخليها للفرن طيب على نار هادية كيما خبزة موسكوتشو و كي طيب متخرجيهاش مباشرة رح تهبطلك امالا افتحي باب الفرن و خليها تم حتى تبرد شوية
اقسميها و قدميها بالمرقة تع الجاج و شهية طيبة
الترتولات :عجينة 300غ فرينة -150غ زيدة و حبة بيض و ملح اخدميي الفرينة مليح مع الزبدة حتى تتداخل ثم لميها بحبة بيض و اذا متلمتش زيديلها شوية ماء و خليها تريح نصف ساعة في الثلاجة
وجدي الحشو :قلي البصل بشوية زيت و رقة رند و شوية زعيترة كي يذبال زيدي اللحم مرحي و خليه يطيب حتى ينشف من الماء ديريلو قرفة و فلفل احكل و ملح
بعد ما يطيب ديري العجينة في المول و دخليهم للفرن كي يطب عمريهم بالحشو و غطيهم كامل بكريمة الجبن