البسملة1 اليوم جبتلكم قريوش يهبببببببببببببل من عند حورية المطبخ و الله وصفة هايلة و بنة أروع المقادير: 200غ زبدة طرية 500غ فرينة حبة بيض ملعقة كبيرة خمارة كسرة ملعقة صغيرة خمارة كيميائية ملعقتين خل أبيض ملعقتين جلجلان محمص ومرحي ماء+ماء الزهر جلجلان للتزيين الطريقة: حكي الزبدة فالفرينة مليح من بعد الجلجلان المرحي أنا زدتلو شوية ميش مرحي ثم الخمارة تاع الخبز و تاع القاطو ثم حبة البيض و لمي و رشي بخليط الماء و ماء الزهر و خليها ترتاح تقريبا ساعة خذي قرصة من العجينة و حليها و طبقيها مثل العجينة المورقة و حلي كري العملية حتى 4 أو 5 مرات من بعد حليها رقيقة ميش بزاف و قطعيه و شكليه كيما تحبي و قليه و خليه يبرد و عسليه بعسيلة ماهي باردة ما سخونة إسمحولي مصورتش المراحل مكانش في بالي نصورو و هاذو الحبات اللي قعدو قلت نصورهم إن شاء الله يعجبكم و الله ذوقو فوووووووووووور