السلام عليكم
جبتلكم وصفة المعقودة بالبطاطا وصفة رائعة و التحضير ساهل
المقادير:
2 كيلو بطاطا
7 بيض
3 بصل أخضر
ربطة معدنوس
كأس زيتون أخضر مقطع
غرويار
2 علب تون تع الزيت
ملح و فلفل أسود
3 ملاعق كبار زيت
5 أو 6 أطراف فرماج
الطريقة :
تقطع البطاطا قطع كبيرة و توضع في ماء مملح وتوضع على النار حتي تطبخ وتطرى ثم نعبزوها ، نقليو البصل في 3 ملاعق زيت حتى يذبال شويا ثم نضيفوه للبطاطا و نضيفو أيضا الزيتون و المعدنوس المقطع و التون و شويا غرويار رابي و الملح و الفلفل الأسود و في الأخير نضيف البيض نكونو ضربناه شويا ونخلط بالمغرف ونحط الخليط في مول زجاجي و نرش شوية زيتون من فوق نتركها تنطبخ بين 30 و 45 دقيقة حتى تحمار و البيض يطيب و في ال5 دقائق لخرين نجبدها نرشها باالغرويار و نرجعها للفرن و بالصحة و الهناء
نتمنى أنكم تجربوها و تعجبكم إنشاء الله