[مسلم سني]

المشاركة الأصلية كتبت بواسطة سعاذ

السلام عليكم
صراحة لوكان تسقسي اي واحد في شروط لي يحوس عليها يبدهالك بالاخلاق و تربية و يخلصهالك بالجمل بصح كي تولي لصح يبدى بالجمال و يجي ماشي يعني النظري حاجة و تطبيقي حجا اخرى وهذا واش رنا نشفوه سواء في الواقع او في المنتدى لوكان تروح لقسم مشاكل اجتماعية او مشكلة تلقاه يقلك بلي رغم اخلاقها و تربيتها منقدرش نرتبط بيها خاطر مرهيش باهية (بالنسبة لهذي حالة لحد الان مزلت مشفتش استثناءات)
وكاين حجا ثاني ذوك يقلك رجل اذا اعجبه شيئ في المراة تزوجها كلها يعني مثلا اذا اعجبه جمالها تغاضى على حوايج اخرين (وثاني كاين بعض نساء يبطبق عليهم هذا)
كاين واحد لمثل يعجبني بزاف يقول لا يغرك نبات الدفلة منور في لبحاير و لا يغرك جمال الطفلة حتى تشوف لفعايل
اما بالنسبة لطفلة ميهمهاش الجمال بحد ذاتو المهم يكون شكلو مقبول واهم عندها السمعة الطيبة وانو يكون قادر يجيب قوت يومي ويفتح بيت (هنيا صح كاين استثناءات كاين لي يهمها المال بدرجة الاولى)
كاين حجا لحظتها بلي يرتبط على معيار زائل مثل الجمال كي يروح هذاك الجمال مع الزمن تلقاه يحوس ارتباط مرة اخرى
اما بالنسبة للمراة تلقاها حتى لاطاحت بزوج تاعها تلقاها واقفا معاه على طول
وفي الاخير نقول سواء بالنسبة لرجل او مراة لي بناو حياتهم على اساس صحيح مهما تكون صعوبات و ازمات ريحين يجوزوها
ولي بناو حياتهم على حجا زائلة وقاعدة ماشي صحيحة سحابة صيف برك قادرة تحطم كلش
دمتم في رعاية الله و حفظه

السلام عليكم
أهلابك أختي سعاذ
أوافقك في كل ما تفضلت به أختي سعاذ
خاصة في قولك أن ما يبنى على أساس متين سيدوم والعكس صحيح
ربما لأن المرأة لاخيار لها ثاني فتتحمل زوجها في كل حالاته وأوضاعه
لكن ماذا لو كان الحكم بيدها مثلا طبعا مجرد كلام هل ستبقى على وفائها للرجل
المهم تبقى الأخلاق دائما هي الأساس
ومن يخاف الله في زوجته أكيد لن يضرها أو يؤذيها بشيء
أخلاق الرجل هي مايحدد طريقة تعامله مع شريكة حياته
بارك الله فيه على التدخل المفيد
احترماتي