أختي ربي يكن في عونك وربي ينور طريقك
اول شيء الاستخارة والدعاء دوما
وثانيا اختي انا لو كنت في مكانك كنت نسامحو لأنو صارحك وما خباش عليك وقليل وقليل جدا انك تجدي واحد يصارحك وزيد موضوع حساس كيما هك انا نظن انو مع مرور الايام راح تنساي وتغفريلو خطأه هذا وزيد معاملتو الطيبة والمليحة معاك راح تنسيك وتنسيه في لي صار على هذا حاولي تعطيه فرصة وامل وممكن هذا الشيء راح يكون هو سبب سعادتك في المستقبل وقوفك معاه وصبرك وحبك راح يخليك تكباري في عينيه وراح يحبك اكثر
لو كانت نيته ماشي مليحة ولو كان ناوي على الغدر والخدعة ما كانش صارحك ولا اجل المصارحة حتى تتوطد العلاقة اكثر
من راي انو ندم وتاب اختي حاولي تاخذي بيده وتكوني معاه لا عليه والحب لي راح يكون بينكم والصراحة والمودة راح تمحي كلش على هذي لي نقدر نقولو انك تخممي بعقلك وخممي بقلبك اذا كان قادرة تسامحي وتنساي وتبداي معاه صفحة جديدة بها ونعمت وربي يكون معاك وينور طريقك ونظن انو ماشي شرط اهلك يسمعو بهاذ الشيء لأنك راح تفضحيه وراح يحس بنقص القيمة وراح يندم لأنو حكالك وصارحك على هذا خلي الامر بينك وبينو اذا حبستو خلي السر بينك وبينو استريه وربي راح يسترك اذا كملتي طريقك معاه ربي يهنيكم ويجمع بيناتكم ويكون معاكم وينوركم وتكون حياة كلها حب وخير وهناء