غالياتي نتمنى يلقاكم موضوعي هدا على خير وتحية لكل وحدة تدخل صفحتي اليوم حبيت نشاركم طورطة عملتها هدا الاسبوع بالشوكولاطة وبكريمة غيرت فيها من اجل اضافة لمسات جديدة نتمنى الفكرة تعجبكم استعملت شوكولاطة مينا وحبات الشوكولاطة تباع 5دج وباشكال جميلة كريمة الزبدة موجودة في هاد الرابط https://www.djelfa.info/vb/showthread.php?t=1229702 هاهي جاهزة اللمسة الجديدة نرحي كمية من البيمو حتى يصبح غبرة نضيفوه لكريمة الزبدة تصبح عندنا كريمة البيمو طبعا حطيت جينواز بدوق شوكولا اسقيتها بشراب الشوكولا ماء يغلي وملعقة سكر ثم نضيفو حبات شوكولاطة يدوبو بعد الي سقيتها وضعت فوقها الكريمة ثم جينواز دوق فاني وسقيتها بشراب الشوكولا ثم شوكولا انا استعملت مينا دخلتها للثلاجة تبرد قليلا ثم زينتها بحبات الشوكولا والكريم شونتي وشكولاطة مينا مبشورة استعملت للحواف ورشيتها من فوق شكل حبات الشوكولا شكلها مقطعة نتمنى تعجبكم فكرتي المتواضعة وتحياتي ليكم