السلام عليكم اخوتي ...............
اتدخل في الموضوع لاني احس بكم انا الان طالبة 2 ثانوي علوم . والله تفكرت الايام الي جوزت فيهم البيام مع الخلعة والضغط المهم جبت معدلي 16.96 الحمد لله ان شاء الله للباك2014
ننصحكم بالمراجعة اليومية لانها جد مهمة اي ديروا ملخصات في جميع المواد وتركزوا سيرتو على المواد الي معاملهم كبير كيما الرياضيات العلوم.......
وفيما يخص مواد الحفظ عليكم على الاقل بالفهم والتلخيص ونقصوا كل نهار درس في الحفظ وراهي جاية العطلة احفضوا وحضروا رواحكم مليح ..................
وما تتشائموش لان البيام اسهل ما يكون برك ركزوا مليح تلقاو النتائج كيما تحبوها ويجي النهار الي تتفكروا وتقولو ا كلامي صحيح
نصيحتي لكم عاونوا بعضاكم قدر المستطاع يعاونكم ربي يجمعكم على ضالتكم ويكفيكم ان شاء الله في يوم الامتحان
وابتعدوا عن التفكير في الامور السلبية وقرروا ان لا يكون لها مجال في ذهنكم
ارجوا ان شاء الله اني وفيتكم ولو بالقليل
ما تنسوليش بالدعاء فانافي امس الحاجة الى الدعاء
بالتوفيق للجميع