[ام عبودة]

المشاركة الأصلية كتبت بواسطة ام غالية

مساء الورد عزيزتى ام عبودة شكرا لك لانك تطرقت الى موضوع هام جدا انا ضد الاولياء اللى يمدو الدراهم لاطفالهم بصح هذه العادة تفسد الصغير كون تشفوفى سلفتى كيفاش كبرت اولادها متعطيهمش الدراهم الا المصروف القليل مش قضية معندهاش لاكن باش يعرفو قيمة الدراهم الله يبارك كبروا ماشاء الله انا حابة نتبع طريقتها وهى جامعية ديما تقلى حابة تفسدى اولادك اعطيهم الدراهم كيما قلت نحاولو نوفرولهم كل شىء باش منتعبوش كى يكبرو وربى يصلح فيهم

العفو حبيبتي واش راكي واش خبارك ان شاء الله لاباس
راني نطرق دائما الى مشاغلنا راهي الى جابت الذراري تشيب وما يكبروش هما
انا كنت كيفك عندي مبدا مانمدش الدراهم للاطفال
نشري لهم كل شئ يحبوه الدراهم لالالا
لكن بعد مشاركة اختنا زهور الفل وحكايتها مع ولدها اقتنعت بالفكرة
فكرة الحصالة يعني نمدلو الدراهم شوي برك ونعلمو في سن معين على انواع القطع وتسمياتها
ومن ثم نقولو خبيهم باش تشري كذا وكذا
هكذا رايح يتعلم مبدا التحصيل وعدم التبذير
ودائما راني مراقبة للوضع وتطوراته
ان وانت وسلفتك كلنا نتاعملو بنفس المبدا
لكن نظن ان اولادنا بهذه الطريقة يولو يشوفو الدراهم حاجة كبيرة وعلاه ماما ما تمدناش وعلاه وعلاه
تقوليلي حنا تربينا بعقلية اللى رانا نربو بيها ولادنا لكن شوفي الوقت راه تبدل
الان كل شئ تطور والاختيارات كثرت من وسائل الاتصال وغيرها
الطفل تعمر راسه واصبح يريد كل شيء مهما كان الثمن
فانا ما نستبعدش انه الطفل ممكن يسرق من امه او ابوه بش يشري حاجة شافها عند صاحبه او في التلفاز
والدور هنا للوالدين المرااااااقبة الدائمة واستعمال لغة الحوااااااااااااار مع اولادنا
وان شاء الله رانا نستفادو من بعضنا البعض
واختنا زهور كمثال حي لتجربتها مع ولدلها وكانت ناجحة فحبيت نجربوها
والشكر ليك والى كل من اهتم بالموضوع