[ام ايمان16]

تطبيقي لمطلوع الصاشي لاختي ميمنة الجزائر

الصور تتاخر قليلا في الظهور

ان لم تظهر اعيدو تحميل الصفحة

المشاركة الأصلية كتبت بواسطة ميمنة الجزائر

اما المطلوع نقولك حكايتك بسيطة جداً هو المحيط تاعك اللي هو الكوزينة تكون سخونة باه ما يهبطلكش

وتاني الخميرة لازم تطلع وحدها يعني ديري مغرفة ونص خميرة في كاس ما تياد مع معاه زوج مغارف فرينة وملعقة سكر

وديري السميد قدر قرصتين يعي رطل سميد مع كاس فرينة وديري معاه ملعقة ملح والسينوج والجلجلان

كي تشوفي الخميرة طلعت لمي بيها العجين وبليه بالماء يكون تياد يعني ماهوش سخوووون تقدري تحطي يدك

ولميه مليح بيدك حتى تشوفي العجينة رخوة لميه وزيديلو قدر نص فنجان زيت دخليه فيه قبل ومن بعد حطيه في ساشي

وخليه يخمر قدام الفورنو او الشوفاج اقعدي تخدمي شغلك تلقاي الساشي تنفخ تولي نتي حطي الطاجين يخليه يحما مليح
ونتي روحي نحي العجين من الساشي لاعاد العجين طري بزاااف ديري الفرينة وقرصيه زوج قرصات كل وحدة في سربيتة وغطيه

ومن بعد خليهم قدر عشر دقايق حتى تشوفيهم طلعو ولي طيبيه وفي الطياب ديري نفس العفسة تاع الخبز العربي غير تشوفي

الفقاعات بداو دوريه وخليه يطيب من الجهتين كي يطيب حوشيه ومن بعد جيبي نص فنجان حليب وبانسو وادهنيه من فوق يجيك يلمع

وتاني هشوش وجربيه وقوليلي