[أمن وأمان]

مممممممممم طيب أختي لا تقلقي...

أنا نقولك أنت اكيد إ نشاء الله إذا اعطاوك طب ولاصيدلة رايحة تقراي بالفرنسية

أنا الحمد لله هذا العام كنت بيطرة... وكيما علابالك في السنة الأولى يكونو جذع مشترك في الدروس والمواد apar l'anatomie
اللي هي التشريح ماعندناش هذا العام .... بصح قرينا والحمد لله جبنا العام avec mention ... أنا عن نفسي ماعنديش مشكلة في اللغات و بالتالي ماكانتش عندي مشكلة في الدراسة

ونقولك حاجة الدراسة كي عادت بالفرنسية ماشي معناتها رايحة تقراي la langue كل شي مصطلحات وحفيظة ... والله غير كاين اللي مايفهمو فيها والو فرنسية وجابو العام

ماتتقلقيش كامل لازم برك تكوني a jour يعني يوميا تراجعي وتحفظي ولازم تشري قااااااااااااموس علمي كبير باه يعاونك

وراني متأكدة باللي وحدة شاطرة كيما نتي ماشي رايحة ترسب بإذن الله وتنجحي ... surtt كي تكوني مع البنات في الإقامة وتسقسيهم ويفهموك

إن شاء الله نكون أفدت ونتمنالك النجاح من كل قلبي .... وإذا احتجتي اي مساعدة ... أمينة في الخدمة ..