[*بيتي مملكتي*]

السلام عليكم و رحمة الله و بركاته

ربما أنت تبحثين عن وصفة معينة لكن حبيت نشاركك وصفتي اللي تجيني روعة

أولا أنا نستعمل الخبز اللبناني لقيت وصفتو في إحدى المواقع وهذا رابط الوصفة نتاعي
https://www.djelfa.info/vb/showthread.php?t=641955

بالنسبة للشوارما إليك طريقتي السهلة و البنينة

-تأخذي صدر دجاجة قطعيه إلى قطع صغيرة عرضها 2 سم و تكون رقيقة شوية
-تبليهم بالملح و الكركم (يعطيهم لون مميز أصفر و له فوائد كثيرة ) والفلفل الأسود
-في مقلات فيها 4 ملاعق كبيرة زيت ضعيهم يتقلاو مليح
-ثم ضفي حبة طماطم كبيرة مفرومة ناعم معها 2 سنينات ثوم مقطعين إلى 2 (تقدري من بعد تنحيهم)
-كي تشوفيها طابت و شربت مليح و قريب تنشف ضفي 1ملعقة صغيرة كمون (هذا هو المكون السري)
و خليها تزيد شوية برك على النار و من بعد طفي
-خليها تبرد و احشي الخبز على الوجه و طبقيه كيما يديروه برا و حطيه على الوجه اللي فيه التطبيقة فوق مقلاة ساخنة ناشفة و اضغطي عليه بواسطة غطاء مرميطة حتان يحمار راهو ما يطولش وزيدي الوجه الثاني هكذا تكوني تحصلتي على شوارما بانيني