[*بيتي مملكتي*]

السلام عليكم و رحمة الله و بركاته
مرحبا بك أختي بيننا

هذي الوصفة جربتها شحال من مرة و دايما تجي روعة

ساشي تاع سكر قلاصي تاع 700غ +بياض بيضة +3ملاعق كبار عصير ليمون +ماء زهر

حطي البياض مع السكر و عصير الليمون و حاولي جمع الخليط على شكل عجينة إذا ما تلمتلكش بالبيض و الليمون ضفي غير بالشوية ماء الزهر حتان توليلك عجينة ما تستغربيش راح تولي عجينة المهم ما تكثريش ماء زهر زيديه بالشوية و من بعد أعجنيها مليح مليح ثم أبداي أرخفيها بماء الزهر و إذا حبيتي تضيفيلها ملون ضفيهولها في شوية ما زهر المهم راكي تعرفي واقتاش تحبسي رخفان يعني حتان تلقاي القوام المناسب و هاهي جاهزة الليمون يعطيها لمعة و مذاق حامض قليلا