[الحركاتية]

المشاركة الأصلية كتبت بواسطة AMOUNA OUMEL BOUAGHI

طبعا حرتو شكون نقصد انا نقصد الحركاتية لاننا نخرجو في الليل و نتلاقاو في المنتدى سمينا بعضانا خفاش 1 و خفاش 2
و في ليلة على الواحدة تاع الليل خرج خفاش و حط وصفة تاع البريوش و انا تم تم كنت عندها ما ستننيتهاش تنزل الرابط هاو ليك

https://www.djelfa.info/vb/showthread.php?t=1227850

واش نقولك يا الحركوتة جاني يهبل وخفيف و الفكرة تاع ماء الزهر الريحة تهبل و زدت درت الماء الزهر تاع الزينة يهبل
حبات درتلهم السكر و حبات درتهم السينوج و جاتني 15 حبة بالتمام كيما قلتي شيخة ياك *********
ايه و زيدي شوفي يظهرلي تعلمت نصغر الصور و نكتب فيها و ما نعرف
شكرا لكي يا الحركاتية على الوصفة الصينية تاعنا اليوم بالبريوش تاعك الله يسلمك
هاوليك التطبيق
ارجو من اول وحدة تشوف التطبيق تقولي اذا الصور صغار ولا لا لاني انا يبانولي عادي و شكرا

الله أكبر خفاش 2 طبقت بريوشي وما شفتهاش ـكيفاش فاتتني ؟؟؟؟؟؟؟ راني خنت العشرة يا حبيبتي البارح كنت حطيت رحالي في السنة الخامسة على بيها فاتتني هذا الفرصة الرائعة ...

هههههههههههه صح يا البنات أول ما لقى خفاش 1 غصن في قسم المعجنات وحط رحاله ( وصفته) انقض عليه خفاش2 وخطفله الرابط
بصح واش نقولكم أحلى و أروع خطف

الله يبارك يا خفاش خرجلك هاااااااااايل
خليني نقولك



لالا لازمني نقولك



الماء الزهر راهو يعطي للعجين مذاق ممتع عندك حق
هههههههههه شفتي كيفاش جاوك 15 حبة كما قلت امالا شيخة باطل ههههههههههههه

انهنيك على الصور راهم خرجو مضبوطين واسمك منور عليهم ثاني
بصحتك أمونة
ربي يزين قعدتكم ويديم عليكم اللمة الزينة

شرفتيني بتطبيقك