اقتباس:
المشاركة الأصلية كتبت بواسطة rihabamal
بصحتك هايلة ممكن تعطينا الوصفة
|
اليك اختي الوصفة
هذه البيتزا اسمها البيتزا السميكة
3 كيسان فرينة
مغرف تاع اكل خميرة الخبز
2 مغارف صغار سكر
الملح حسب الرغبة
مغرف كبيرة حليب بودر
نص كاس شاي زيت
الماء تقريبا كاس و نصف
تخلطي اولا المواد الجافة
امبعد حطي الزيت و خلطيها مليح
مبعد زيدي الماء حتان تولي مرخوفة شوي ماتعودش لعجينة قاسية ماتعجنيهاش بزاااف
حطيها تخمر تقريبا نصف ساعة حتان تكبر لعجينة
تكوني موجدة لاصوص (من الاحسن لاصوص تحطيلو الريحان راهو يتباع يطلق بنة هايلة)
كتخمرلك قرصيها في البلا و منبعد حطيلها لاصوص و زيدي خليها تخمر ربع ساعة
ديريلها فرماج و حطيها في الفور
كطيب صنعيها بالمايونيز لحم مفروم او تون زيتون و زيدي ديري فرماج و طبعا الهريسة
ان شاء الله تجربيها
راها تجيك خشينة بصح خفيفة بزززااافف
بصحتكم