السلام عليكم
ارجو منكم اخوتي مساعدتي في تقييم سعر هاذ الاعمال عندي مشكل كبير في وضع سعر للاعمال اللي يطلبوهم مني خاصة ان البعض يعطيني الخيط و اللوازم و انا نعطيها السعر نقيم فيه تعبي
المديل1 عبارة عن قندورة سامبل نعمرها بالورود الصناعية و poit de croix بخيط الكروشي ديقرادي و الاحجار الصغيرة و شوية عقاش
اللوازم هي
2 مترات تاع الورد 60 دج
3 او 4 كبات صغيرة خيط ديقرادي 80 دج
80 حجر 80 دج
لا طوال طايور الرقيقة ما عنديش فكرة شحال تدير للمترا
المديل 2 هدا صدر كروشي كيما الصدر الازرق اللي في الصورة بالصح اللي راح نديرو فيه 3 دوائر ماشي غير وحدة و تور للاكمام و تحت القندورة في الاخير
اللوازم هي
3 كبات خيط لامع
نجوم و عقاش صغير
المديل 3
تاني صدر عندو زوج جهات من قدام و من اللور هو اللي في الصورة الصدر الاحمر
3 كبات خيط لامي اي لامع
شرائط
و الاكمام صغيرة او من غير اكمام