[لمسة حنية]

اليوم دخلت للمطبخ فكرت واش ندير من مقبله جديدة بحثت في النت وجدت نوع من كاب كيك
عجبني بعد ضفتلو شوية حجات من عندي
بلا منطول عليكم



كاس رايب +نصف كاس حليب دافى +ربع كاس زيت +2ملاعق اكل سكر +مغرفة كبيرة خميرة خبز +1خميرة الحلوى +3كيسان فرينة +ملح

نلم كل المقادير ونشمخ بلحليب نتحصل على عجينة طرية

نتركها ترتاح حتى تتخمر

بعد متتخمر ناخد المقادير التالية...

ناخد قليل من العجينة ونحط شوي زيتون اخضر وقليل من الفرماج والتونه مثل الصورة


نكون حضرنا صينية المادلين نحط لكيسات ونحط فيها كام في الصورة

ندهنها بصفار بيض مخلط بقليل من القهوة والحليب

ونزينها بقليل من الزيتون وخليها تخمر انا مكفتنيش صينيه حطيت لكيسات في علب التونة باش تحتفظ على الشكل الجميل
بعدها للفرن مباشرة لما طيب نخرجوها وهي حاضرة




ذوووووق رااااائع وخاااصه الاطفال تعجبهم
يم يم يم مش غير الاطفال انا تاني عجبتني هههه
شوفها من الداخل شكلها

وفي الاخير علبالي ساهله لكن في مبتدئات كيما قالت اختى الوهرانية
جربووووووها وادعوولي