السلام عليكم اليوم راح نقدملكم كيكة الاناناس المقلوبة بصراحة تحمر الوجه و ساهلة و انا نديرها خاصة للضياف و بنينة نخليكم مع الطريقة المقادير قوطي اناناس 3بيض 150 غ سكر 120غ فرينة لافاني و كيس خمارة حلوى و كاس سكر للكراميل هي الاولى الي نعملوها و نحطوها في صينية تكون مدهونة بالزبدة و نخلوها على جيهة و نصفو الاناناس من العصير الي فيه و نحتفضو بالعصير و نخلطو البيض و السكر و الفانيلا جيدا تم نضيف الفرينة و الخمارة و نخلط جيدا نروحو للصينية الي فرغنا فيها الكراميل الكراميل تكون يبست و هدا شيى عادي نستفو حبات الاناناس فوق الكراميل و نضع خليط الكيك فوق الاناناس كيما في الصورة و ندخلهل لفرن يكون سخون على نار متوسطة وادا كان الفور نتاعكم حامي بزاف نقصو للنار و خلوها طيب في خاطرها و عسوها بالاكو تنحرقلكم و مين طيب نحمروها غير شويا من فوق و نخرجوها و بالسكين نمروه على جوانب الصينية و نقلبوها و هي سخونة ماتخلوهاش تبرد و نسقيها بعصير الاناناس الي كان موجود مع الاناناس و نخلوها تبرد و بصحتكم و نتمنى تعجبكم و تجربوها