بسم الله الرحمن الرحيم الليلة درت طبق صحي وبنين للعشاء وكل عايلتي ايحبوووووووووه بالرغم ان كله خضر لكن طريقة طبخو تخليه بنين لازملنا اربع حبات قرنون نقيوهم ونرحيوهم في الروبو+صدر جاج مرحي مع الثوم +المعدنوس+الدبشة +2م ك خبز مرحي +شوي ملح+الفلفل الحار للي تحب الحاجة الحارة+كمون+شوي كاري او فلفل عكري نخلطوهم مليح +نعجنوهم بصفارالبيض نديرو بولات كيما الكفتة ونرمدوهم في الفرينة و انحمروهم في خليط من الزبدة+الزيت ونحطوهم من جهة انوجدو لاصوص طوماط نحتاج 2حبات كبار طماطم طازجةنرحيوها+دبشة +معدنوس+فلافل وشوي هريسة+نصف م ك طماطم مصبرة+بصلة مرحية+2فصوص ثوم +طرف زبدةمع2م ك زيتو نقليهم مليح نمرقو ب2كاس ماء فقط ومنجهة نقطعو 2حبات جريوات القرعة يعني ونحمرها في نفس الخليط اللي حمرنا فيه الكفتة بعد ربع ساعة نرمي حبات الكفتة والقرعة المحمرة في لاصوص ونخليهم ربع ساعة اخري علي نار هاديةمع زيادة غبرة الرند وا>ا مكانش +ورقة من البداية تاع الطياب انخليك مع الخطوات المصورة[ ; نتمني اتجربوه لان فعلا بنين ومفيد خصوصا للاطفال اللي مايحبوش الخضر وطبعا ماتنساوش ردوووودكم وتشجيعاتكم سلام