[صاحب الامل]

السلام عليكم ورحمة الله تعالى وبركاته

مرحبا بالجميع


الى كل الذين راح يلتحقوا بصفوف الجيش الوطني الشعبي دفعة مارس 2013

المدرسة التطبيقية للهندسة
EAG
بجاية


انا كنت في هذه الثكنة دفعة سبتمبر 2012
والحمد لله خرجت وتهنيت
وبالتالي اللي يحب يستفسر عن اي شيئ راني هنا

********************
*******
**
*

راني علابالي باللي المورال راهو طايح وراني حاس بيكم
ولكن يا جماعة والله تروحو تعقبوها وتتهناو
صح واحد خدام وماراهوش مرسم...وواحد ما لقاش خدمة ...وواحد قريب يوصل 30 سنة...ووو...الخ
ولكن لارمي دين ولازم نسلكوه

******
المدرسة ببصراحة نظيفة ومصنفة من بين الاوائل على مستوى الجزائر
مقابلها البحر والمطار
وتقع في تيشي

كل صباح راح تصبحوا على البحر.
اما المطار كل ما تكونوا رايحين الى المطعم راح تستمتعو بمناظر الطائرات
هكذا تنحيو شوي على بالكم....

عند الدخول
راح تدخلوا على 2eme poste
تلقاو طابلة وقاعدين عليها ضباط كيفكم (هادو اكيد اصحابي لانهم علقو النجمة من دفعة سبتمبر...) باه يمركيو عدد الدخول وتعبيو استمارة خاصة بيكم
فيها اسمك ولقبك واسم الوالدة والوالدة وتاريخ الازدياد ...الخ وفيها رقمك

الطبيب
من بعدها مباشرة الى الطبيب
اذا ما عندكش ملف طبي يحطوك مقبول........
واذا عندك ملف طبي هنا فيها امل.....
اذا كان ملفك باين مثل حروق او اصابة في الجسد كالرجل واليد او السكري او...الخ
هنا مباشرة توضع في خانة instance
اما اذا كان ملفك النظر والعصب فيمكن يقبلوك في هاته الحالة هنا انت ومعريفتك
اما اذا كان ملفك مترافيكي.... واغلب الملفات هي مترافيكيا
هنا لازم تكون عندك معرلايفة قاااااااااااااوية
لانو الطبيب لا يرحم
وراهو قبائلي من بجاية

فيما يخص اللي حطوهم instance
بعدها تستناو لجنة تجي من قسنطينة مكونة على الاكثر من شخصين
كذلك اللي عندو معريقة ما يخافش
اما اللي ما عندوش ممكن يقبلوه ويحطوه مقبول وينظم الى المجندين.....
اما اللي ما قبلاتوش اللجنة ينتقل الى المرحلة الاخيرة وهي
expertise
وهي مرحلة الحسم
لانكم ستتوجهون الى المستشفى العسكري بقسنطينة

وهنا الاغلبية يرجعو غير مقبولين الا في بعض الاحيان


الشاليات
بعد االطبيب
تتوجهون الى الشاليات
وقبل ما تطلعو يعطوكم كوفرطة وكاس ومغرف
ومن بعد تطلعو الى الشاليات وكل شالي فيه 6 غرف
وكل غرفة تحوي 8 (سرير)
وفي كل شالي يوجد 6 تواليت (حاشاكم)
والماء ديما كاين غير كي يحبو يمكرو فيكم يحبسوه
ساعة ساعة ويجيهم لهبال

الاكل
فيما يخص الاكل
***الفطور راح يكون على الساعة 5.30
يعني النهوض يكون حوالي 5.00
الفطور تفطرو خبز + معجون وساعات زبدة
*** الغداء كل مرة كيفاه مرة على 12.00 ومرة على 13.30 ومرة على 14.00....المهم عيينا نفهمو الوقت الصحيح للغداء
كي يوصل الغداء ما تراطي والو المهم الحالة مليحة في الغداء وساعات الدجاج المحمر وساعات البقري مع الكسكسي....الخ
***العشاء ماذابيك ما تعولش بزاف اكيد الكل يسمع ب السانك ساك
والعشاء يكون في حوالي 18.30

التدريب
فيما يخص التدريب انا لم اتدرب
ولكن اصحابي اللي دربو كا نو يستمتعو بالتدريب لانو ليس بالشاق
يعني عادي



واي استفسار اخر راني هنا
وان شاء الله نقدر نفيدكم