انا خريج 2010 دفعت ديبلوم و تحصلت على تاجيل سبتمبر2011 اين وصلني استدعاء وامر بالالتحاق لم البي الامر وحتى البارح حكموني في باراج كنت انا و2 اصدقاء مسجلين فالكابا الدركي اخذا البطاقات وارجع قالنا عندي احساس بلي واحد فيكم يبات عندنا الليلة غير يخف روحو يخبرنا قبل ما نسينيالوه لوهران حينهاصفا مني الدم و خليت الوصية لصحابي قلت لهم وصلو السلام العايلة وكي اليوم 540 يوم تفوت ........المهم رد لنا بطاقات وانكتبلي عمر جديد
الاستنتاج على حساب كلام الدركي انوا لي جامعي وصلوا استدعاء معاه امر بالالتحاق حتى ولو للمرة الاولى وماراحش يعتبر عاصي وهذا ينطق عليا .........مالا علاه ما حكمونيش سقسيت قالك ادارة المرسى الكبير المختصة ماهيش مواضبة على ادراج اسماء العصاة بشكل دوري يعني يخدمو بالنفحات وعلى حساب ما يحكموا متهربين عندهم حساب معين ويخففوا عمليات البحث .
انا رايح ندخل في فترة سبات في مديتنا الخرجة والوا حتى يفوت مارس وزيد نوصيكم اثناء السفر تفاداو البلديات الصغار لي الدرك الوطني فيهم ما عندوا حتى خدمة راهم لاهيين غير بصحاب الخدمة الوطنية
سمحولي على الاطالة