شنيك مالح بسم الله الرحمن الرحيم السلام عليكم و رحمة الله و بكاته المقادير نحتاجوا عجين مورق نطلقوه على شكل مستطيل ندهنوه بخليط الكتشوب و صوص طوماط و شوية الهريسة نضيف بصلة مشحرة في الزيت و الملح و الابزار و مصفية من الزيت تم نضيف الزيتون اخضر مقطع و علبة التون مصفية و و نرشوا الزعتر تم فرماج محكوك نلوي المستطيل و نحاولوا نضغطوا منين نكونوا كنتنيواباش الشنيك يجي مجموع حتى الاخير نقطعوا الرولي على شكل دوائر تقريبا 2 السنتيمتر نزلوهم في صينية الفرن و نضغطوا عليهم شوية و نرشوهم بالزعتر ثم الى الفرن عند التقديم نرشوهم بشوية الفرماج محكوك و بالصحة و الراحة اللهم لا تجعلنا من المسرفين و ادم نعمتك علينا و اجعلنا من الشاكرين في امان الله