[om anous]

المشاركة الأصلية كتبت بواسطة *أم كوثر*

لوكان جيت مكانك وخاصة انو كاين ضيفة سورية ندير الاتي
مع الاول لما يدخلوا قدمي الشوكولا المحشية تع ام رامي هااايلة بطريقة تقديم جميلة
من بعد قاطو اسبانيول تع فلة ماكاش اسهل منو ودوق وبنة لا يعلى عليها
من بعد القهوة مع
مقروظ ام رامي تان
تشاراك ام اماني
وصابلي ونظن 3 انواع كافيين
والعشية قدمي لاتاي مع قرويش ام اماني ومكسرات متنوعة والبراكة
انا الحقيقة نشوف بلي التاي مايجيش وراء القهوة انما بعد العرضة اي الماكلة
لوكنت مكانك لعشية ندير سلاد دو فغوي
وربي يعينك
وصوريلنا وش رح ديري

اهلا ام كوثر نورتي
جات في بالي نقدم شكولا ولكن ماعنديش لي مول قلت بالاك نشريها وخلاص كيما فيريرو روشي علابالي ماشي كيما خدمة يدي مي الله غالب
قاطو اسبانيول خلاص قررت نديرو والمقروط خلاصلي الدقيق تاع الدزاير.... والبارح درت التشاراك تاع ام اماني جا يدوب في الفم بصح مازال مسكرتوش ولاتاي حبيت نديرو في خاطر السورية تأبر قلبي هي ما تشربش قهوة حليب ...ايه والعرضة راني معولة ممبعد نعرض العروسة والعروس للعشا ان شاء الله لانه صاحب زوجي ونزيد نجي نستفسر
ان شاء الله نصور ادا عرفت نحط الصور ..بارك الله فيك اختي ام كوثر