السلام عليكم اخي
موضوع هادئ وجميل وهادف خليني نقولك اختك مرمي ثرثارة طراز اول نهدر بزاف واللي خلالي وين نروح نكسب ناس بزاف ويحبوني الحمد لله ولكن ايضا نحب نسمع زمان كنت نتمنى لو ندرس علم النفس او علوم إجتماعية حتى نحل مشاكل الناس ولكن ولأنني درست حقوق هذا ما خلانيش بعدت على الرغبة اللي عندي وخليت صديقاتي واللي حولي يثقو فيا لدرجة يحكولي كل شي
الحمد لله عندي قدرة نسمع ولساعات ولا اعاتب او الوم من يحكيلي على العكس اسمع وكلي آذان صاغية ونمد رأي بشكل ما نأثرش على حياة الشخص ممكن كلمة مني أو رأي يغير حياتو نكون أنا السبب نخليه يشوف الحل بعينيه هو لا بعينيا انا وربي يخليني دايما نسمع لغيري وين ما تسمحلي الفرصة شكرا.